អាមេរិក៖ បើយោងតាមចេញផ្សាយផ្លូវការ របស់គេហទំព័រ Channel news Asia បានប្រាប់ឲ្យដឹងថា នៅក្នុងពាក្យបណ្តឹង ដាក់នៅតុលាការសហព័ន្ធ New Orleans Andy Stone កំពុងស្វែងរកការខូចខាត យ៉ាងតិច ២០ លានដុល្លារពីនាង Carey ជាសហអ្នកនិពន្ធរបស់នាង និង Sony Music Entertainment ចំពោះការរំលោភលើសិទ្ធិអ្នកនិពន្ធ និងការក្លែងបន្លំក្នុងចំណោម ពាក្យបណ្តឹងផ្សេងទៀត។
តារាអាមេរិក នាង Mariah Carey ត្រូវបានប្តឹងកាលពីថ្ងៃសុក្រជុំវិញបទ All I Want For Christmas Is You ឆ្នាំ១៩៩៤ របស់នាង ដោយអ្នកនិពន្ធបទចម្រៀងម្នាក់ បាននិយាយថា លោកបានសហនិពន្ធបទចម្រៀង មានចំណងជើងដូចគ្នាកាលពី ៥ ឆ្នាំមុន។ Stone សម្តែងជា Vince Vance ជាមួយក្រុមតន្រ្តីដ៏ល្បី ប្រចាំប្រទេស Vince Vance & the Valiants បានចោទប្រកាន់ជនជាប់ចោទថា បានកេងប្រវ័ញ្ចដោយខុសច្បាប់ នូវប្រជាប្រិយភាព និងរចនាប័ទ្មពិសេសរបស់លោក ហើយបណ្តាលឲ្យមានការភ័ន្តច្រឡំ ដោយការថតបទចម្រៀងថ្មី ដោយគ្មានការអនុញ្ញាតពីលោក។
បទចម្រៀងរបស់ Carey និង Stone មានទំនុកច្រៀង និងភ្លេងខុសៗគ្នា។ អ្នកនាំពាក្យរបស់ Carey និង Sony Music មិនឆ្លើយតបភ្លាមៗ ចំពោះសំណើសុំការអត្ថាធិប្បាយទេ។ បទចម្រៀងរបស់ Carey បានបង្ហាញខ្លួន នៅក្នុងអាល់ប៊ុមរបស់នាង Merry Christmas ហើយបានទទួលការចាក់ផ្សាយ យ៉ាងទូលំទូលាយនៅលើវិទ្យុ និងនៅក្នុងបរិយាកាសទិញទំនិញលក់រាយ ក្នុងរដូវវិស្សមកាល។
វាក៏បានឈរនៅលើកំពូលតារាង Billboard Hot 100 ជារៀងរាល់ឆ្នាំចាប់តាំងពីឆ្នាំ២០១៩ ទោះបីជាត្រូវបានកត់ត្រាទុក កាលពីមួយភាគបួនសតវត្សមុនក៏ដោយ។ All I Want For Christmas Is You គឺជាបទចម្រៀងទី ១៩ របស់ Carey ដែលបទចម្រៀងតិចជាង Beatles៕ ដោយ៖លី ភីលីព
