ប៉េកាំង៖ អ្នកនាំពាក្យក្រសួងការបរទេសចិន បានប្រកាសឲ្យដឹងថា ដើម្បីឆ្លើយតបទៅនឹងការញុះញង់ ដ៏ធ្ងន់ធ្ងររបស់ប្រធានសភាតំណាងរាស្រ្តអាមេរិក លោកស្រី Nancy Pelosi ប្រទេសចិនបានសម្រេចចិត្ត អនុម័តការដាក់ទណ្ឌកម្មលើលោកស្រី Pelosi និងសមាជិកគ្រួសាររបស់លោកស្រី ស្របតាមច្បាប់ពាក់ព័ន្ធ នៃសាធារណៈរដ្ឋប្រជាមានិតចិន។
ដោយមិនយកចិត្តទុកដាក់ ចំពោះការព្រួយបារម្ភយ៉ាងខ្លាំងរបស់ប្រទេសចិន និងការប្រឆាំងយ៉ាងម៉ឺងម៉ាត់នោះ លោកស្រី Nancy Pelosi បានទទូចចង់ធ្វើទស្សនកិច្ច ទៅកាន់កោះតៃវ៉ាន់ នេះជាការជ្រៀតជ្រែក ចូលក្នុងកិច្ចការផ្ទៃក្នុងរបស់ចិន។
អ្នកនាំពាក្យរូបនេះ បានបន្ថែមថា វាធ្វើឱ្យខូចអធិបតេយ្យភាព និងបូរណភាពទឹកដីរបស់ចិនយ៉ាងធ្ងន់ធ្ងរ ជាន់ឈ្លីគោលការណ៍ចិនតែមួយ និងគំរាមកំហែងយ៉ាងធ្ងន់ធ្ងរដល់សន្តិភាព និងស្ថិរភាពនៅទូទាំងច្រកសមុទ្រតៃវ៉ាន់៕ ប្រែសម្រួល ឈូក បូរ៉ា
