The Mirror នៃចក្រភពអង់គ្លេសចេញផ្សាយនៅថ្ងៃព្រហស្បតិ៍ទី ១៩ ខែធ្នុនេះបានសរសេរថាយុវជនឆ្នើមម្នាក់របស់ក្លឹប Sevilla កីឡាករ Antonio Zarzana កំពុងបានក្លាយទៅជាគោលដៅដ៏សំខាន់បំផុតមួយជាមួយនឹងក្លឹបយក្សនៅអ៊ឺរ៉ុបដូចជា Liverpool និង Bayern Munich។
មិនត្រឹមតែប៉ុណ្ណោះកីឡាករវ័យក្មេងរូបនេះកាលពីឆ្នាំទៅក៏ធ្លាប់បានបដិសេធក្នុងការផ្ទេរទៅលេងជាមួយនឹងក្លឹបយក្ស Real Madrid ទៀតផងតែក៏នឹងអាចផ្លាស់ទៅអង់គ្លេសជាមួយនឹងក្លឹបកាំភ្លើងធំ Arsenal វិញប្រសិនបើលោកArtetaនឹងអាចមកធ្វើការនៅទីនេះជាផ្លូវការហើយនោះ។
គេជឿជាក់ថាទាំងក្លឹប Man City និង Arsenal បានឈានទៅដល់ការយល់ព្រមគ្នាហើយនូវរាល់លក្ខណ្ឌក្នុងការផ្ទេរយកលោក Arteta មកទឹកដីដែលលោកធ្លាប់ជាកីឡាករនេះវិញហើយការប្រកាសនឹងអាចធ្វើឡើងនៅចុងសប្តាហ៍នេះជាមិនខាន៕
ប្រែសម្រួល:ស៊ុនលី
