ប្រេស៊ីល៖ប៉ុន្មានខែបន្ទាប់ពីការស៊ូទ្រាំនឹងទឹកជំនន់បានបំផ្លាញដំណាំ និងលិចទឹកដល់សហគមន៍ទាំងមូលរាប់ពាន់គ្រួសារនៅអាម៉ាហ្សូនប្រេស៊ីលនាពេលនេះកំពុងប្រឈមមុខនឹងគ្រោះរាំងស្ងួតធ្ងន់ធ្ងរដែលយ៉ាងហោចណាស់នៅតំបន់ខ្លះអាក្រក់បំផុតក្នុងរយៈពេលជាច្រើនទសវត្សរ៍ ព្រោះកម្រិតទាបនៃទន្លេអាម៉ាហ្សូនស្ថិតនៅចំកណ្តាលនៃប្រព័ន្ធលូទឹកដ៏ធំបំផុតលើពិភពលោកបានធ្វើឲ្យក្រុងរាប់សិបនាក់ស្ថិតក្នុងការប្រុងប្រយ័ត្នយោងតាមការចេញផ្សាយពីគេហទំព័រជប៉ុនធូដេ។
យោងតាម Luna Gripp អ្នកស្រាវជ្រាវភូមិសាស្ត្រតាមដានកម្រិតទឹកទន្លេអាម៉ាហ្សូនភាគខាងលិចសម្រាប់ការស្ទាបស្ទង់ភូមិសាស្ត្រប្រេស៊ីល បាននិយាយថា កម្រិតទឹកទន្លេស្រក់ចុះយ៉ាងឆាប់រហ័ស ដោយសារតែទឹកភ្លៀងទាបជាងការរំពឹងទុកក្នុងអំឡុងខែសីហា និងខែកញ្ញា។ រដ្ឋ Amazonas ភាគច្រើនមិនត្រូវបានតភ្ជាប់ដោយផ្លូវថ្នល់ កង្វល់ចម្បងគឺកង្វះអាហារ ប្រេងឥន្ធនៈ និងទំនិញផ្សេងទៀតដែលជាធម្មតាដឹកជញ្ជូនតាមផ្លូវទឹក។
នៅទីក្រុង Tefe ជាទីក្រុងដែលមានមនុស្ស ៦0,000 នាក់នៅមាត់ទន្លេអាម៉ាហ្សូនមានកប៉ាល់ធំៗមិនអាចទៅដល់កំពង់ផែទីប្រជុំជនបានទេ។ ស្ថានភាពកាន់តែធ្ងន់ធ្ងរនៅសហគមន៍រាប់សិបនៅរាយប៉ាយតាមតំបន់ជុំវិញ Tefe រងប៉ះពាល់ដល់គ្រួសារប្រហែល ៣,៥00 ។ ផ្លូវទឹកជាច្រើនដូចជា បឹង និងព្រែកជាដើមបានរីងស្ងួត បំបាត់ការចូលទៅកាន់ទន្លេអាម៉ាហ្សូន ហើយដូច្នេះទៅកាន់ទីក្រុងក្បែរៗនោះ ដែលមានមុខងារជាមជ្ឈមណ្ឌលពាណិជ្ជកម្ម។
សហគមន៍ Sao Estevao អ្នកនេសាទបានផ្អាកការនេសាទត្រី Pirarucu ដែលជាត្រីដ៏ធំបំផុតរបស់ Amazon ពីព្រោះទូកសម្រាប់ដឹកជញ្ជូនត្រីរបស់ពួកគេទៅកាន់ទីក្រុងមិនអាចចូលចតបានទេ។ រដូវនេសាទស្របច្បាប់មានរហូតដល់ចុងខែវិច្ឆិកា។ អ្នកនេសាទ Pedro Canizio da Silva បានប្រាប់សារព័ត៌មាន The Associated Press នៅក្នុងសារជាសំឡេងមួយថា ប្រសិនបើកម្ពស់ទឹកមិនកើនឡើងឆាប់ៗនេះទេ សហគមន៍៧គ្រួសារនឹងបាត់បង់ប្រភពចំណូលដ៏សំខាន់មួយ៕ដោយ៖លី ភីលីព
