មូស្គូ៖ ប្រទេសរុស្ស៊ីបានផ្តល់សញ្ញាថា ខ្លួននឹងប្តឹងឧទ្ធរណ៍ ប្រឆាំងនឹងបម្រាមអូឡាំពិក រយៈពេល ៤ ឆ្នាំរបស់ខ្លួន ដោយសារតែការដាក់ទណ្ឌកម្ម របស់ទីភ្នាក់ងារប្រឆាំង សារធាតុហាមឃាត ក្នុងកីឡាពិភពលោក ខណៈប្រធានាធិបតីបារាំង លោក Vladimir Putin មានប្រសាសន៍ថា វាជាស្លាកសញ្ញា “ អយុត្តិធម៌”ណាស់ យោងតាមការចេញផ្សាយ ពីគេហទំព័រជប៉ុនធូដេ។
ក្រុមប្រឹក្សាត្រួតពិនិត្យ ភ្នាក់ងារប្រឆាំងសារធាតុហាមឃាត ក្នុងកីឡារបស់រុស្ស៊ី បានបោះឆ្នោត កាលពីថ្ងៃព្រហស្បតិ៍ ដើម្បីរៀបចំសំណុំរឿង អាជ្ញាកណ្តាល ជាមួយតុលាការ អាជ្ញាកណ្តាលកីឡា (CAS) នៅប្រទេសស្វីស។ កាលពីសប្តាហ៍មុនអង្គការ WADA បានសម្រេចថា ប្រទេសរុស្ស៊ី បានប្រើប្រាស់ទិន្នន័យ មន្ទីរពិសោធន៍ ប្រើប្រាស់សារធាតុហាមឃាត ក្នុងកីឡា ដើម្បីលាក់បាំង បទល្មើសកន្លងមក។
លោកពូទីនបានថា វាមិនយុ ត្តិធម៌ទេក្នុងការគំរាមកំហែង ដល់ប្រទេសរុស្ស៊ី ជាមួយនឹងការដាក់ទណ្ឌកម្ម ដែលទាក់ទងនឹងការប្រើប្រាស់ សារធាតុហាមឃាត ក្នុងកីឡា ហើយការដាក់ទណ្ឌកម្មណាមួយ គួរតែផ្អែកលើមូលដ្ឋានបុគ្គល។ លោកពូទីនបានបន្ថែមថា ខ្ញុំគិតថាវាមិនគ្រាន់ តែអយុត្តិធម៌ទេ ប៉ុន្តែមិនត្រូវនឹងន័យ និងច្បាប់រួមទេ។
ប្រធានក្រុមប្រឹក្សាភិបាល ត្រួតពិនិត្យលោក Alexander Ivlev បាននិយាយថា ករណីនេះទំនងជាត្រូវបានបញ្ជូនទៅ CAS ក្នុងរយៈពេល ១០-១៥ ថ្ងៃខាងមុខ។ បន្ទាប់ពីការជ្រើសរើស ក្រុមប្រឹក្សាអាជ្ញាកណ្តាល CAS ៣រូបសាលក្រម នឹងត្រូវចេញ ក្នុងរយៈពេល៣ខែ។
លោក Ivlev បាននិយាយថា គ្រាប់បាល់នឹងស្ថិតនៅក្នុង តុលាការរបស់ WADA ហើយបញ្ហានេះ នឹងត្រូវបានពិភាក្សា នៅក្នុងបរិបទច្បាប់។ យើងគិតថា ការជជែកវែកញែកនេះ គឺខ្លាំងយុត្តិធម៌ ហើយយើងនឹងមើលថា តើបញ្ហានេះ វិវឌ្ឍន៍យ៉ាងដូចម្តេច។
ការសម្រេចចិត្ត នៅថ្ងៃព្រហស្បតិ៍ ត្រូវតែមានការយល់ព្រម ពីក្រុមមួយផ្សេងទៀត នៃកីឡារុស្ស៊ី និងតួលេខប្រឆាំង សារធាតុហាមឃាត ក្នុងកីឡាប៉ុន្តែនោះហាក់ដូចជាផ្លូវការ។ សមាជិកគណៈកម្មាធិការភាគច្រើន រួមមានគណៈកម្មាធិការ អូឡាំពិករុស្ស៊ី និងគណៈកម្មាធិការប៉ារ៉ាឡាំពិករុស្ស៊ី បាននិយាយថា ពួកគេចង់បានបណ្តឹងឧទ្ធរណ៍៕ ដោយ៖លី ភីលីព
