គូឡាឡាំពួរ ៖ យោងតាមការចេញផ្សាយ ពីគេហទំព័រឌឺវីប៊ីស បានប្រាប់ឲ្យដឹងថា ការកាត់ក្តីរបស់សហគ្រិនគ្រឿង សំអាងនាង Safiey Ilias ដែលត្រូវបានចោទប្រកាន់ចំនួន៤ រួមទាំងការប្រព្រឹត្តការរំលោភផ្លូវភេទ លើក្មេងប្រុសជំទង់២នាក់ តាមរយៈបណ្តាញ សង្គមយក្សអាមេរិក Instagram នឹងចាប់ផ្តើមនៅថ្ងៃទី ២៤ ខែកក្កដា ឆ្នាំក្រោយនៅតុលាការ Ampang sessions ។
ចៅក្រម Norhazani Hamzah កំណត់រយៈពេល៤ថ្ងៃគឺថ្ងៃទី ២៤ ដល់ថ្ងៃទី ២៧ ខែកក្កដាឆ្នាំក្រោយ សម្រាប់ការកាត់ក្តី ដែលពាក់ព័ន្ធនឹងនាង Safiey អាយុ ២៨ ឆ្នាំក្នុងអំឡុង ពេលនិយាយអំពីករណីថ្ងៃនេះ។ មុននេះ ព្រះរាជអាជ្ញារងសាធារណៈរដ្ឋ Nurhashimah Hashim បាននិយាយថា ព្រះរាជអាជ្ញានឹងកោះហៅសាក្សីចំនួន ១២ នាក់ ។
នាង Safiey ត្រូវបានតំណាង ដោយមេធាវី Harjeet Singh Sidhu ត្រូវបាន ចោទប្រកាន់ ពីបទទំនាក់ទំនងផ្លូវភេទ ជាមួយជនរងគ្រោះពីរនាក់ តាមរយៈគណនី Instagram របស់ពួកគេនៅគេហដ្ឋាន របស់សហគ្រិននៅ Bandar Baru Bangi នៅម៉ោង ៩ ព្រឹក ថ្ងៃទី ៩ ខែមិថុនា ឆ្នាំ ២០២១។ តារាចម្រៀង Syinta Gila ក៏កំពុងប្រឈមមុខ នឹងការចោទប្រកាន់ចំនួន២ពីបទរំលោភផ្លូវភេទលើជនរងគ្រោះដោយទីតាំង ពេលវេលា និងកាលបរិច្ឆេទដូចគ្នា ។
ការចោទប្រកាន់នេះស្ថិតក្រោមផ្នែកទី ១១(១)(A) នៃបទល្មើសផ្លូវភេទប្រឆាំង នឹងកុមារ ច្បាប់ឆ្នាំ ២០១៧ ដែលផ្តន្ទាទោសដាក់ពន្ធនាគារ អតិបរមា ៣ ឆ្នាំ និងផ្នែកទី ១៥(a)(i) អនុវត្តទោសជាប់ពន្ធនាគារអតិបរមា១០ ឆ្នាំ ឬពិន័យជាទឹកប្រាក់ ឬទាំង២ ៕
