អាមេរិក៖នេះបើយោងតាមការចេញផ្សាយពីគេហទំព័រឌៀលីម៉ែលបានប្រាប់ឲ្យដឹងថា អ្នកនាង Nicki Aycox ស្លាប់នៅអាយុ ៤៧ ឆ្នាំជាតារាសម្តែង Supernatural និង Dark Blue បានទទួលមរណភាពបន្ទាប់ពីនាងតស៊ូរស់រយៈពេល២ឆ្នាំជាមួយនឹងជំងឺមហារីកឈាមរបស់អ្នកនាង។
តារាសម្តែងត្រូវបានអ្នកគាំទ្រស្គាល់ថា ជាតួសម្តែងដូចជា Meg Masters រឿង The CW’s Supernatural និង Jaimie Allen រឿង TNT’s Dark Blue ត្រូវបានគេធ្វើរោគវិនិច្ឆ័យថា មានជំងឺមហារីកឈាមកាលឆ្នាំ ២០២០ ហើយបានឆ្លងផុតពីជំងឺនេះកាលពីថ្ងៃព្រហស្បតិ៍ វាត្រូវបានបញ្ជាក់នៅលើបណ្តាញសង្គមដោយបងស្រីក្មេករបស់នាង គឺនាង Susan Raab Ceklosky ។
ដំបូងឡើយអ្នកនាង Aycox គិតថា នាងបានឆ្លង Covid-19 បន្ទាប់ពីធ្លាក់ខ្លួនឈឺខ្លាំង ប៉ុន្តែក្រោយមកត្រូវបានគេធ្វើរោគវិនិច្ឆ័យថា មានជំងឺមហារីក ហើយបានទទួលការព្យាបាលដោយគីមីដ៏ធ្ងន់ធ្ងរ និងការប្តូរកោសិកាដើម។
នាងបានបង្ហាញឯកសារអំពីសមរភូមិសុខភាពរបស់នាងនៅលើគេហទំព័ររបៀបរស់នៅ Vegan របស់នាង Cashews and Olives ហើយនាងបានផ្តល់ព័ត៌មានថ្មីៗអំពីសុខភាពរបស់នាងនៅលើ Instagram របស់គេហទំព័រ។ នាងបានចែករម្លែកការបង្ហោះចុងក្រោយរបស់នាងជាមួយអ្នកគាំទ្រកាលពីថ្ងៃទី ២៦ ខែមីនា ជាកន្លែងដែលនាងត្រូវបានគេឃើញច្រៀងតាមបទចម្រៀងទសវត្សរ៍ទី ៨០ ពីគ្រែមន្ទីរពេទ្យរបស់នាងបន្ទាប់ពីគីមី។
អ្នកបង្កើត Supernatural Eric Kripke ក៏បានគោរពដល់តារាស្រីរូបនេះ ជាមួយនឹងការបង្ហោះនៅលើបណ្តាញសង្គមដ៏ស្មោះស្ម័គ្រកាលពីថ្ងៃអាទិត្យ។ Raab Celosky បានបញ្ជាក់ពីការស្លាប់របស់ Aycox នៅក្នុងការបង្ហោះ Facebook កាលពីថ្ងៃព្រហស្បតិ៍ រួមជាមួយនឹងរូបថតរបស់ Aycox ដែលជាស្វាមីរបស់នាង Matt Raab ៕
ដោយ៖លី ភីលីព
