អាមេរិក៖ Sony បានបង្ហាញ Project Leonardo នៅ CES 2023 ដោយក្រុមហ៊ុននិយាយថានឹងធ្វើឲ្យវាកាន់តែងាយស្រួលសម្រាប់អ្នកលេងពិការ ក្នុងការរីករាយជាមួយហ្គេមនៅលើ PlayStation 5 ហើយវាកើតឡើងជាច្រើនឆ្នាំបន្ទាប់ពីគូប្រជែង Microsoft បានបញ្ចេញឧបករណ៍ស្រដៀងគ្នាសម្រាប់កុងសូល Xbox របស់ខ្លួន យោងតាមការចេញផ្សាយពីគេហទំព័រស្គាយញ៉ូវ។
ឧបករណ៍បញ្ជាភាពងាយស្រួលថ្មីត្រូវបានបង្ហាញសម្រាប់ PlayStation 5 ត្រូវបានរចនាឡើងសម្រាប់អ្នកលេងដែលមានពិការភាព។ ឧបករណ៍អាចប្ដូរតាមបំណងបានខ្ពស់ ត្រូវបានគេហៅថា Project Leonardo សម្រាប់ពេលនេះ មានកត្តាទម្រង់ខុសគ្នាទាំងស្រុងទៅនឹងឧបករណ៍បញ្ជាពីចម្ងាយ DualSense ស្តង់ដាររបស់កុងសូល។
Leonardo មានរាងជារង្វង់ក្នុងការរចនា ហើយត្រូវបានបង្កើតឡើងដោយប៊ូតុងធំៗជាច្រើន និងដំបងបញ្ជាតែមួយ ដែលហ្គេមទាំងអស់អាចរៀបចំឡើងវិញបានតាមតម្រូវការរបស់ពួកគេ។ វាក៏អាចប្រើជាមួយ Leonardo ឬ DualSense ផ្សេងទៀត ធ្វើឲ្យមិត្តភក្តិ ឬក្រុមគ្រួសារផ្តល់ជំនួយបន្ថែមដល់អ្នកលេងសំខាន់។
មានច្រកជាច្រើនសម្រាប់ដោតគ្រឿងបន្ថែមផងដែរ ដើម្បីបន្ថែមជម្រើសបញ្ចូលបន្ថែម។ Sony បាននិយាយថា ខ្លួនធ្វើការលើឧបករណ៍បញ្ជាថ្មីជាមួយអ្នកជំនាញនៅ AbleGamers និង SpecialEffect ដែលជាអង្គការដែលជួយជនពិការឲ្យរីករាយជាមួយហ្គេមវីដេអូ។ និង Stack Up ជាអង្គការសប្បុរសធម៌របស់សហរដ្ឋអាមេរិកប្រើហ្គេមដើម្បីជួយអតីតយុទ្ធជនយោធាងើបឡើងវិញពីការដាក់ពង្រាយប្រយុទ្ធ៕ដោយ៖លី ភីលីព
