The Goal ចេញផ្សាយនៅថ្ងៃនេះបានឲ្យដឹងថាកីឡាករ Yannick Carrasco បានបង្ហាញនូវបំណងក្នុងការចូលរួម ជាមួយនឹងក្លឹប Barcelona ខ្លាំងក្នុងខែមករានេះដែលកុងត្រានេះនឹងអាចបញ្ចូលមកជាមួយនឹងការដោះដូរកីឡាករ Memphis Depay ផងដែរ។
AT Madrid ក៏ត្រូវបានគេដឹងដែរថាមានបំណងចង់បានកីឡាករ Depay រូបនេះផងដែរក្រោយការចាកចេញរបស់ Joao Felix ទៅកាន់ក្លឹបតោខៀវ Chelsea ទោះបីជាក្នុងលក្ខខណ្ឌខ្ចីជើងក្តីហើយជឿជាក់ថានឹងមិនធ្វើជាអ្នករារាំងផ្លូវរបស់ Carrasco នោះដែរ និងរងចាំមើលការសម្រេចចិត្តរបស់ Barcelona ជាមុនសិន។
ប្រភពដដែលបានបន្តទៀតថាពេលនេះ AT Madrid កំពុងត្រៀមនិងព្រៀងការចរចារួចរាល់ហើយ ដើម្បីអាចធ្វើការ ពិភាក្សាភ្លាមៗជាមួយនឹង Barcelona ធ្វើយ់ាងណាឲ្យការងារនេះអាចសម្រេចបាននៅក្នុងខែមករានេះ៕
ប្រែសម្រួល៖ស៊ុនលី
