ញ៉ូវយ៉ក ៖ ទីភ្នាក់ងារព័ត៌មានចិនស៊ិនហួ បានផ្សព្វផ្សាយ នៅថ្ងៃទី១៧ ខែមករា ឆ្នាំ២០២៣ថា អំណាចសាកល របស់សហរដ្ឋអាមេរិក បានថយចុះជាងជំនាន់មុនៗ ដែលធ្វើឱ្យកាន់តែពិបាក សម្រាប់ក្រុង វ៉ាស៊ីនតោន ក្នុងការគ្រប់គ្រងពិភពលោក និងរក្សាបាននូវ សក្ដានុពលរបស់ខ្លួន នៅក្នុងតំបន់អាស៊ី ។ ទស្សនាវដ្ដី កិច្ចការបរទេស បានផ្សព្វផ្សាយ ដូច្នេះកាលពីថ្ងៃចន្ទ ។
អត្ថបទនោះបានដាក់ថា “ទោះបីជាអាទិភាព របស់សហរដ្ឋអាមេរិក ធ្លាប់ជាប្រភព នៃស្ថិរភាពនៅក្នុងតំបន់ក៏ដោយ វាមានមូលដ្ឋាន តិចតួចក្នុងការគិតថា វានឹងលើកកម្ពស់ភាព សុខដុមនានៅថ្ងៃនេះ” ។
ប្រធានាធិបតីអាមេរិកថ្មីបំផុត២រូបគឺ លោក បារ៉ាក់ អូបាម៉ា និងលោក ដូណាល់ ត្រាំ បានចោទខ្លួនឯងពីការទទួលភារកិច្ច “ព្រះអាទិត្យរះដោយគ្មានកំណត់” ហើយលោកប្រធានាធិបតី ចូ បៃដិន បានរើសយកកន្លែង ដែលប្រធានាធិបតីទាំង២ចាកចេញ នេះបើយោងតាមអត្ថបទខាងលើ បានផ្សព្វផ្សាយឲ្យដឹង ។
ទស្សនាវដ្តីខាងលើបានចុះផ្សាយថា “លោក បៃដិន បានបង្កើនការកសាងយោធារបស់សហរដ្ឋអាមេរិក ជួយសម្រួលដល់ការកសាងយោធានៅក្នុងតំបន់ និងបានព្យាយាមប្រមូលផ្តុំការ ចាប់ផ្តើម នៃក្រុមចម្រុះប្រឆាំងនឹងប្រទេសចិន រួមជាមួយនឹង មហាអំណាចក្នុងតំបន់អាស៊ីផងដែរ” ។
ជម្រើសទាំងនេះផ្ទុយនឹងអ្វី ដែលការរក្សាសន្តិភាពដែលបានទាមទារ ។ ការគៀបសង្កត់សេដ្ឋកិច្ចរបស់ប្រទេសចិន ចូលរួមក្នុងការប្រណាំង ប្រជែអអាវុធមិនចេះចប់មិនចេញហើយ ដោយធ្វើការតម្រឹមជាមួយបណ្តា ប្រទេសនៅក្នុងតំបន់ដើម្បីឡោមព័ទ្ធក្រុងប៉េកាំង និងធ្វើឱ្យប្រទេសតូចៗ ដាច់ពីគេដោយទាមទារ ឱ្យពួកគេជ្រើសរើស រវាងប្រទេសចិន និងសហរដ្ឋអាមេរិក អាចនឹងផ្តល់ ឱ្យក្រុងវ៉ាស៊ីនតោន នូវអំណាចរយៈពេលខ្លីបន្ថែមទៀត នៅក្នុងតំបន់អាស៊ី នេះបើយោងតាមអត្ថបទ បានផ្សព្វផ្សាយដូច្នេះ ។
“ប៉ុន្តែទាំងនេះ គឺជាធាតុផ្សំ នៃការប្រេះស្រាំនៅក្នុងតំបន់ និងសង្រ្គាមជាយថាហេតុ មិនមែនជាស្ថិរភាពនោះទេ ។ គោលនយោបាយអាស៊ី របស់សហរដ្ឋអាមេរិកនៅពេលនោះ គឺនៅផ្លូវបំបែក ដែលមិនអាចទទួលស្គាល់បាន។ ក្រុងវ៉ាស៊ីនតោន អាចគាំទ្រសន្តិភាពនៅក្នុងតំបន់ ឬបន្តការនាំមុខនៅក្នុងតំបន់ ប៉ុន្តែមិនអាចធ្វើទាំង២ នេះបានទេ” ៕
