ភ្នំពេញ៖ អ្នកប្រដាល់ ប៉ោ ភារិទ្ធ សមាគមកីឡាប្រដាល់ក្រសួងកសិកម្ម ប៉ះអ្នកប្រដាល់ថៃ Kolap Dam ដណ្តើមខ្សែក្រវាត់ខារ៉ាបាវទម្ងន់៦៣,៥០គីឡូក្រាមនៅលើសង្វៀន SEATV នារសៀលថ្ងៃសៅរ៍ ទី២៨ ខែធ្នូ ឆ្នាំ២០១៩នេះ រីឯអ្នកប្រដាល់កម្ពុជា ពុយ វណ្ណៈ ក្លិបឃ្លាំងមឿងកីឡា ខេត្តពោធិ៍សាត់ប្រកួតជាមួយអ្នកប្រដាល់ថៃ Loom Lengយកចំណាត់ថ្នាក់លេខ៣។
លោក ញាណ សុធី អ្នកចាត់ចែងកម្មវិធីប្រដាល់ប្រចាំ SEATV បានឲ្យដឹងថា អ្នកប្រដាល់ថៃ Kolap Dam ជាអ្នកប្រដាល់ដែលសម្បូរកលល្បិចគ្រាន់បើដែរ ហើយរូបគេមានរបៀបវ៉ៃរបស់គេ គឺវ៉ៃដោយមិនបង្ខំ គេវ៉ៃចេញមួយៗ តែច្បាសាំហើយវ៉ៃចេញភាគច្រើនចំគោលដៅបានល្អ ថែមទាំងប្រកួត៩០ដង ឈ្នះ៧៩ដង ចាញ់១០ដង និងស្មើពិន្ទុ ១ ដង។
ចំពោះអ្នកប្រដាល់ ប៉ោ ភារិទ្ធ មានសមត្ថភាពបច្ចេកទេសប្រដាល់កម្រិតខ្ពស់ ពុយ វណ្ណៈ មិនអាចមើលស្រាលបានឡើយ។ អ្នកប្រដាល់ល្អទាំងការការពារ ទាំងការវាយលុកតែជើងក្រោមរបស់ភារិទ្ធមិនជារឹងមាំនោះទេ តែ បន្ទាប់ពីគេព្យាយាមហ្វឹកហាត់ឡើងវិញនោះ គូប្រកួតក៏មិនងាយនឹងវាយប្រហារជើងគេបានឡើយ ព្រមទំាងប្រកួត៧៤លើក ឈ្នះ៦៣លើក ចាញ់១១លោក និងមិនដែរស្មើ ។
អ្នកប្រដាល់កម្ពុជា ពុយ វណ្ណៈ ក្លិបឃ្លាំងមឿងកីឡា ខេត្តពោធិ៍សាត់ប្រកួតជាមួយអ្នកប្រដាល់ថៃ Loom Lengយកចំណាត់ថ្នាក់លេខ៣។ អ្នកប្រដាល់ថៃល្អជាងមុនឆ្ងាយណាស់ ពិសេសក្បាច់ធាក់ល្អ មិនឲ្យចូលជិតឡើងជង្គង់បាន ចំពោះក្តីសង្ឃឹមជាអ្នកប្រដាល់ខ្លាចាស់ក្មេងពិបាកបង្ក្រាបអ្នកប្រដាល់ជើងចាស់បានមិនតិចនោះទេ ពីព្រោះ Loom Leng ជង្គង់ កណ្ដាប់ដៃកែង ស្នៀតទាត់សុទ្ធតែល្អ និង រហ័ស ។ Loom Leng ប្រកួតចំនួន១០១លើក វាយឈ្នះ៨៥ លើក ចាញ់១៥លើក និងស្មើ០១លើក។
ដោយឡែកពុយ វណ្ណៈ មួយរយៈចុងក្រោយ នេះ គេក៏មានការរីកចម្រើនដែរ ហើយរបៀបវាយរបស់គេ ក៏នៅតែល្អ និងនៅរហ័ស ហើយ កម្លាំង និងទឹកចិត្តរបស់គេក៏ធំដែរ។ វណ្ណៈ ប្រកួត៩២លើក ឈ្នះ៦៩លើក ចាញ់២២ លើក និងស្មើ០១លើក ។
ជើងឯករង្វាន់លើកទឹកចិត្តចំនួន៤,០០០ដុល្លារ និងខ្សែក្រវាត់ ជើងឯករងទទួលពានមួយ និងប្រាក់រង្វាន់ចំនួន២.៥០០ដុល្លារ ចំណាត់ថ្នាក់លេខ៣ ទទួលពានមួយជាមួយនឹងរង្វាន់អមចំនួន១.៥០០ដុល្លារ ចំពោះចំណាត់ថ្នាក់លេខ៤ទទួលពានមួយជាមួយនឹងរង្វាន់លួងចិត្តចំនួន១.០០០ដុល្លារ ៕ដោយ៖លី ភីលីព
