អង់គ្លេស ៖ នេះបើយោងតាមការ ចេញផ្សាយពីគេហទំព័រឌៀលីម៉ែល បានប្រាប់ឲ្យដឹងថា ក្រុមអ្នកជំនាញសាទរ ដល់ពេលវេលាសំខាន់ សម្រាប់ការអភិរក្ស ខណៈសត្វស្វាតូចបំផុត ដែលជិតផុតពូជកើត នៅសួនសត្វចក្រ ភពអង់គ្លេស ដោយជោគជ័យ ។
កំណើតជោគជ័យដំបូងបង្អស់ នៃស៊ីហ្វាការបស់ Coquerel នៅអឺរ៉ុបបានកើតឡើងនៅសួនសត្វ Chester ក្នុង Cheshire ។ ប្រភេទសត្វស្វាតូចបំផុត ស្វាតូចបំផុត ឬ Propithecus coquereli ជាប្រភេទសត្វជិតផុតពូជ ហើយត្រូវបានគេដាក់ឈ្មោះហៅក្រៅថា ‘Dancing Lemur’ ដោយសារតែវាមាន លក្ខណៈពិសេសប្លែកពីគេ។
ការមកដល់ថ្មីនេះ បានកើតសម្រាប់មេទំាង២ក្បាលគឺ Beatrice និង Elliot ត្រូវបានផ្លាស់ទៅចក្រភពអង់គ្លេសពី North Carolina កាលខែឧសភាឆ្នាំ ២០២១ និងមាន ទម្ងន់១១៩ក្រាម ។ ទោះបីជាវាកើតនៅថ្ងៃទី ១៩ ខែធ្នូក៏ដោយ អ្នករក្សានឹងមិនកំណត់ភេទ របស់ទារករហូត ដល់វាបែកពីមេញី នៅអាយុប្រហែល ៦ ខែ។
សួនសត្វ Chester បានសរសេរនៅលើ Facebook ថា ជាមួយនឹងសត្វល្មូនដ៏មិនគួរឲ្យជឿទាំងនេះនៅលើគែម នៃការផុតពូជ ការមកដល់នៃទារក Beatrice គឺជាពេលវេលា ដ៏សំខាន់សម្រាប់ការអភិរក្ស ។ លោក Mark Brayshaw អ្នកថែរក្សាថនិកសត្វ នៅសួនសត្វបាននិយាយថា វាពិតជាគួរឲ្យរំភើបណាស់ ដែលបានក្លាយជាក្រុមអ្នកអភិរក្សដំបូងគេនៅអឺរ៉ុប ក្នុងការបង្កាត់ពូជសត្វស្វាដ៏កម្រ និងចម្លែកនេះដោយជោគជ័យ ៕
