ឈីបា៖ ជាមួយនឹងព្រឹត្តិការណ៍ កីឡាអូឡាំពិក នៅសល់តែ៧ ខែទៀតប៉ុណ្ណោះ អ្នកស្រុកនៅឈីបា ជាទីក្រុងនឹងរៀបចំ ការប្រកួតអូឡាំពិក និងប៉ារ៉ាឡាំពិកជាច្រើន កំពុងត្រៀមបើកទ្វាទទួលភ្ញៀវ នៅក្រោមកម្មវិធីមួយ “លើកទឹកចិត្តឲ្យប្រជាជនធ្វើម្ចាស់ផ្ទះ ទទួលប្រាក់កម្រៃក្នុងព្រឹត្តិការណ៍ ដ៏ពេញនិយម” យោងតាមការចេញផ្សាយ ពីគេហទំព័រជប៉ុនធូដេ។
លោក Kenji Kaminaga អាយុ ៨២ ឆ្នាំស្ថិតក្នុងចំណោមអ្នក ដែលទន្ទឹងរងចាំរដូវក្តៅ ឆ្នាំក្រោយ ខណៈពេលលោកនឹងមិនចូលរួម ការប្រកួតនេះ លោកមានគម្រោងដើរតួ របស់លោកដោយចែករម្លែកផ្ទះ របស់លោកជាមួយអ្នកទស្សនា នៅក្នុងទីក្រុងរបស់លោក ដែលនឹងរៀបចំ ការប្រកួតកីឡាអូឡាំពិក និងកីឡាប៉ារ៉ាឡាំពិកចំនួន៣ប្រភេទកីឡា ។
ឈីបានៅភាគខាងកើតនៃទីក្រុងតូក្យូ បានជំរុញឲ្យប្រជាជនចូលរួម ក្នុងព្រឹត្តិការណ៍ផ្ទះ និងជំរុញឲ្យពួកគេធ្វើអន្តរកម្ម ជាមួយភ្ញៀវទេសចរ មកពីជុំវិញពិភពលោក នៅពេលមានព្រឹត្តិការណ៍ធំ ៗ ។ លោក Kaminaga បានបង្កើតកម្មវិធីនេះ បាននិយាយថា “វាពិតជារីករាយណាស់ ក្នុងការប្រាស្រ័យទាក់ទងជាមួយ មនុស្សមកពីបរទេស” ។
ខ្ញុំតែងតែចូលចិត្តការអញ្ជើញ មនុស្សឲ្យមកស្នាក់នៅផ្ទះ របស់ខ្ញុំហើយ (ព្រឹត្តិការណ៍ផ្ទះសំណាក់) បានផ្តល់ឱ្យខ្ញុំនូវឱកាស ដើម្បីដឹងកាន់តែច្បាស់ពីប្រទេសដទៃទៀត និងវប្បធម៌របស់ពួកគេ” ។ ការបង្ហាញខ្លួនជាម្ចាស់ផ្ទះនៅឆ្នាំនេះ ដើម្បីត្រៀមសម្រាប់រដូវក្តៅបន្ទាប់។
ព្រឹត្តិការណ៍ផ្ទះរាត្រីទឹកឃ្មុំអនុញ្ញាត ឲ្យអ្នកស្រុកទទួលយកភ្ញៀវ ប្រសិនបើរដ្ឋាភិបាលមូលដ្ឋាន ស្នើសុំឲ្យប្រជាជនធ្វើដូច្នេះមុនព្រឹត្តិការណ៍ ដូចជាការប្រកួតកីឡា និងពិធីបុណ្យដែលរំពឹងថា នឹងឃើញភ្ញៀវទេសចរជាច្រើន និងកង្វះកន្លែងស្នាក់នៅ។
Kaminaga បានផ្តល់បន្ទប់ដល់មនុស្ស២នាក់ មកពីប្រទេសអ៊ុយក្រែន នៅពេលឈីបបារៀបចំព្រឹត្តិការណ៍ ប្រណាំងយន្តហោះអន្តរជាតិកាលពីខែកញ្ញា។ កាលពីដើមខែនេះលោកបានរៀបចំ និស្សិតមកពីប្រទេសសឹង្ហបូរី ខណៈដែលលោករង់ចាំព្រឹត្តិការណ៍ អូឡាំពិកមកដល់៕ ដោយ៖លី ភីលីព
