រដ្ឋកាលីហ្វ័រញ៉ា ៖ នេះយោងតាមការចេញផ្សាយពីគេហទំព័រ អឹម អេស អិន បានប្រាប់ឲ្យដឹងថា ក្មេងជំទង់ម្នាក់ដែលបានរៀនសូត្រសាលាបឋមសិក្សា ហើយនឹងបញ្ចប់ ការសិក្សា ពីមហាវិទ្យាល័យនៅសប្តាហ៍នេះ ក្នុងអាយុ ១៤ ឆ្នាំក្លាយជាបុគ្គលិកក្មេងបំផុតម្នាក់ លើពិភពលោក ដែលធ្វើការនៅ ក្រុមហ៊ុនអវកាស SpaceX ។
នេះបើយោងតាមការដកស្រង់ចេញ ពីអ៊ីមែលពីក្រុមហ៊ុនដែលក្មេងជំទង់បានបង្ហោះនៅលើ Instagram ថា ក្រុមហ៊ុនផលិតយានអវកាស បានផ្តល់មុខតំណែងវិស្វកម្ម ផ្នែកទន់ដល់កុមារា Kairan Quazi កាលពីមួយខែមុន ។ ក្មេងប្រុសជំទង់តំបន់ Bay ដែលគ្រោងនឹងបញ្ចប់ការ សិក្សានៅសប្តាហ៍នេះ ពីសាកលវិទ្យាល័យ Santa Clara នឹងធ្វើដំណើរជាមួយម្តាយរបស់គេទៅកាន់ Redmond ទីក្រុងវ៉ាស៊ីនតោន នៅខែក្រោយ ដូច្នេះរូបគេអាចទទួល យកការងាររបស់ SpaceX ។
ក្មេងប្រុស Kairan បាននិយាយថា រូបគេពិតជារំភើប ក្នុងការចូលរួមជាមួយ SpaceX មួយផ្នែក ព្រោះវាជា ក្រុមហ៊ុនដ៏កម្រមួយ ដែលមិនប្រើអាយុ របស់ខ្ញុំជាប្រូក ស៊ីតាមអំពើចិត្ត និងហួសសម័យសម្រាប់ភាព ពេញវ័យ និងសមត្ថភាព ។
ក្រុមហ៊ុន SpaceX នឹងមិនចាំបាច់ទទួល បានការអនុញ្ញាត ពិសេសដើម្បីនាំក្មេងនេះឡើងយន្តហោះនោះទេ ព្រោះក្មេងត្រូវមានអាយុ តាមច្បាប់អប្បបរមាដើម្បីធ្វើការ ក្រោមច្បាប់ទីក្រុងវ៉ាស៊ីនតោន។ ទាំង Kairan និង SpaceX ជាកម្មសិទ្ធិរបស់លោក Elon Musk បានឆ្លើយតបភ្លាមៗចំពោះសំណើសុំការអត្ថាធិប្បាយពី CBS MoneyWatch កាលពីថ្ងៃចន្ទ។
កុមារាKairan កើតនៅ Pleasanton រដ្ឋ California ក្នុងឪពុកម្តាយជនជាតិបង់ក្លាដែស-អាមេរិក។ ម្តាយរបស់ក្មេង ឈ្មោះ Jullia Quazi បានប្រាប់ ABC News សាខានៅ San Francisco ថា កុមារចាប់ផ្តើមកត់សម្គាស់ថាកូនប្រុស របស់លោកស្រីមានបញ្ញានៅពេលកូនលោកស្រី ចាប់ផ្តើមនិយាយពេញមួយប្រយោគនៅអាយុ ២ឆ្នាំ ៕
