ទីក្រុងហាងចូវ៖យោងតាមការចេញផ្សាយពីគេហទំព័រ Xinhua បានប្រាប់ឲ្យដឹងថា នៅសល់ ១០០ថ្ងៃមុនព្រឹត្តិការណ៍ការប្រកួតកីឡា Hangzhou Asian Para Games ការរចនានៃមេដាយ និងសម្ភារៈ ត្រូវប្រើប្រាស់ក្នុងពិធីប្រគល់រង្វាន់ត្រូវបានបង្ហាញកាលពីថ្ងៃសុក្រនៃព្រឹត្តិការណ៍មួយដែលធ្វើឡើងនៅមជ្ឈមណ្ឌលកីឡាទឹក Fuyang ។
មេដាយដែលមានឈ្មោះថា “Osmanthus Grace” ទាក់ទាញការបំផុសគំនិតពី Liangzhu Jade និង sweet osmanthus ជាផ្កាដាំក្នុងងទីក្រុង Hangzhou ដែលរីកនៅរដូវស្លឹកឈើជ្រុះ។ ការរចនានេះបង្កប់នូវភាពស្និទ្ធស្នាលក្នុងការឡើងដល់កម្ពស់ដ៏អស្ចារ្យតាមរយៈការឧស្សាហ៍ព្យាយាម និងការប្រកួតប្រជែងដោយខ្លួនឯង។ ផ្នែកម្ខាងនៃមេដាយមាននិមិត្តសញ្ញានៃការប្រកួតកីឡា Hangzhou Asian Para Games នៅចំកណ្តាល ហ៊ុំព័ទ្ធដោយផ្កា Osmanthus ។
ផ្ទុយទៅវិញ និមិត្តសញ្ញា នៃគណៈកម្មាធិការប៉ារ៉ាឡាំពិកអាស៊ី គឺស្ថិតនៅចំកណ្តាលបេះដូងហ៊ុំព័ទ្ធដោយអក្សរស្ទាបតំណាងឲ្យមេដាយមាស ប្រាក់ និង សំរឹទ្ធនៃ Asian Para Games លើកទី៤។ ស្របតាមគំនិតពណ៌បៃតងនៃកីឡា Asian Para Games 2022 ទីក្រុង Hangzhou មេដាយនឹងត្រូវបានភ្ជាប់ជាមួយនឹងខ្សែបូដេរដោយដៃផលិតដោយប្រើបច្ចេកវិទ្យា brocade jacquard និងបច្ចេកទេសបោះពុម្ព មិនប៉ះពាល់ដល់បរិស្ថាន។ តោងរាងជាស្ពាននៅលើកំពូលបង្ហាញពីលក្ខណៈ Jiangnan នៃទីក្រុងទឹក និងទីក្រុងស្ពាន។
មេដាយសម្រាប់ព្រឹត្តិការណ៍ Asian Para Games លើកទី 4 “Osmanthus Grace” ត្រូវបានដាក់បង្ហាញនៅទីក្រុង Hangzhou នៃខេត្ត Zhejiang ភាគខាងកើតប្រទេសចិន កាលពីថ្ងៃទី ១៤ ខែកក្កដា ឆ្នាំ ២០២៣ ។ ទីក្រុង Hangzhou បានប្រារព្ធពិធីរាប់ថយក្រោយរយៈពេល ១០០ ថ្ងៃ នៃការបើកព្រឹត្តិការណ៍ Asian Para Games លើកទី ៤ នៅថ្ងៃទី ១៤ ខែកក្កដា ជាមួយនឹងការដាក់បង្ហាញជាផ្លូវការ៕ ដោយ៖លី ភីលីព
