ស្វីស៖ទីតាំងស្ថិត នៅតាមច្រាំងទន្លេអាល់បានី នៃបឹង Ohrid វាយលុកភូមិមាត់បឹងផ្សេងទៀត នៅអឺរ៉ុបក្នុងរយៈពេល ជាច្រើនរយឆ្នាំ ខណៈជាតិវិទ្យុសកម្មបានបង្ហាញការ តាំងទីលំនៅដ៏ គួរឲ្យកត់សម្គាល់រវាង ៦០០០ និង ៥៨០០ គ.ស ដែលធ្វើឲ្យវាក្លាយជា ការរកឃើញដ៏សំខាន់ នៅក្នុងវាល នៃប្រវត្តិសាស្រ្ត Neolithic អឺរ៉ុប នេះយោងតាមការចេញ ផ្សាយពីគេហទំព័រ MSN។
ក្រុមអ្នកស្រាវជ្រាវបានបង្ហាញ ពីភូមិគ្រឹះត្រូវគេស្គាល់ដំបូង បំផុតរបស់អឺរ៉ុប នៅក្រោមទឹកដ៏ស្ងប់ស្ងាត់នៃបឹង Ohrid ហើយឥឡូវនេះកំពុងចោទ ជាសំណួរថា ហេតុអ្វីបានជាអ្នក ស្រុករបស់វា ពង្រឹងផ្ទះរបស់ពួកគេ នៅពីក្រោយជញ្ជាំង ការពារដ៏ធំទូលាយ ។
ដឹកនាំដោយ សាស្ត្រាចារ្យ Albert Hafner មកពីសាកលវិទ្យាល័យ Bern ក្នុងប្រទេសស្វីស ក្រុមអ្នកបុរាណវត្ថុ វិទ្យាអន្តរជាតិ បានចំណាយពេល ៤ ឆ្នាំចុងក្រោយនេះ ដើម្បីជីកយកប្រាសាទ ដែលលិចទឹកនៅ Lin នៅផ្នែកខាងអាល់ បានីនៃបឹង Ohrid ។ ផ្ទះឈើដែលសង់ នៅពីលើផ្ទៃបឹង ឬនៅតំបន់លិចទឹក ជាញឹកញាប់ គឺជាផ្ទះសម្រាប់ ប្រជាជន ប្រមាណពី ២០០ ទៅ ៥០០ នាក់។
លោក Hafner បាននិយាយថា ភូមិនេះមានអាយុច្រើន រយឆ្នាំជាងកន្លែងរស់នៅបឹង ត្រូវគេស្គាល់ពីមុន ក្នុងតំបន់មេឌីទែរ៉ាណេ និងអាល់ផែន ។ តាមចំណេះដឹងរបស់យើង វាចាស់ជាងគេនៅអឺរ៉ុប ។ ការជីកកកាយបានរកឃើញ របកគំហើញដ៏ គួរឲ្យកត់សម្គាល់មួយ ដោយភស្តុតាងបង្ហាញថា ភូមិត្រូវបាន ការពារដោយ បន្ទះឈើរាប់ពាន់ ដែលបង្កើតជារបាំងការពារ។
លោកបានបន្ថែមថា ដើម្បីសាងសង់បន្ទាយ អ្នកភូមិបានកាប់ឆ្ការផ្នែកសំខាន់នៃព្រៃជុំវិញ ទោះជាយ៉ាងណាក៏ដោយ ហេតុផលនៅពីក្រោយតម្រូវការសម្រាប់ការពង្រឹងយ៉ាងទូលំទូលាយបែបនេះ នៅតែជាបញ្ហាមួយសម្រាប់អ្នកស្រាវជ្រាវ៕
ដោយ៖លី ភីលីព
