the sunsports ចេញផ្សាយនៅថ្ងៃអាទិត្យនេះ បានឲ្យដឹងថាកីឡាករខ្សែប្រយុទ្ធបារាំង Giroud ទំនងជាខិតជិតទៅនឹងការចាកចេញពីក្លឹបតោខៀវ Chelsea មែនទែនហើយនៅក្នុងខែមករានេះ ហើយក្នុងនោះកីឡាករអាចនឹងផ្ទេរ ទៅជួបជុំគ្រូបង្វឹកក្លឹបចាស់របស់ខ្លួន គឺលោក Conteវិ ញផងដែរនៅអ៊ីតាលី ។
កីឡាករវ័យ៣៣ឆ្នាំរូបនេះ នឹងត្រូវផុតកំណត់រដូវក្តៅនេះ ហើយប៉ុន្តែត្រូវបានគ្រូបង្វឹកក្លឹបតោខៀវ Chelsea លោក Frank Lampard ដាក់ត្រឹមជម្រើសទី៣ប៉ុណ្ណោះ ហើយរដូវកាលនេះ Giroud បានបង្ហាញខ្លួនត្រឹមតែ៦ដងប៉ុណ្ណោះ និងក្នុងនាមជាកីឡាករបម្រុងទៀតផង ។
លោក Conte អតីតគ្រូបង្វឹកក្លឹប Chelsea ជាអ្នកដែលបានទិញយកកីឡាកររូបនេះ មកក្លឹបកាលពីឆ្នាំ២០១៨ ប៉ុន្តែបច្ចុប្បន្នក្នុងនាមជាគ្រូបង្វឹករបស់ក្លឹប Inter Milan លោកបានបង្ហាញបំណង ចង់បានកីឡាកររូបនេះ ដដែលដោយបានត្រៀមលុយ ប្រមាណជា១០លានផោន នាំគេមកអ៊ីតាលី៕
ប្រែសម្រួល:ស៊ុនលី
