ក្លឹប FC Barcelona បានបើកកិច្ចពិភាក្សាជាមួយក្លឹប Palmeiras ដើម្បីចុះហត្ថលេខាលើខ្សែបម្រើ Matheus Fernandes ដែលកំពុងទទួលបាន ការចាប់អារម្មណ៍ យ៉ាងខ្លាំងពីសំណាក់ក្លឹបធំៗ នៅអ៊ឺរ៉ុប។
កាសែត Globo Esporte បាននិយាយថាក្រុមយក្សអេស្បាញនេះ កំពុងស្ថិតនៅក្នុងទីផ្សារ ដើម្បីស្វែងរកកីឡាករ ក្នុងតំណែងខ្សែបម្រើការពារ ដែលតួនាទីនេះត្រូវបានមើលឃើញថា សាកសមបំផុតសម្រាប់ Fernandes ដែលកីឡាករឆ្នើមបានបង្ហាញស្នាដៃខ្លាំង ក្នុងរយៈពេលចុងក្រោយ នៃរដូវកាលលីកប្រេស៊ីល Serie A ឆ្នាំ ២០១៩ កន្លងទៅនោះ ។
Barcelona ក៏ត្រូវបានផ្សារភ្ជាប់ជាមួយនឹងកីឡាករវ័យ ២១ ឆ្នាំនេះតាំងតែពីក្នុងឆ្នាំ ២០១៧ ហើយបើការផ្ទេរនេះជោគជ័យមែននោះ Fernandez នឹងក្លាយជាកីឡាករប្រេស៊ីលទីបីនៅក្នុងក្រុមរបស់ Barcelona ដោយចូលរួមជាមួយខ្សែបម្រើ Arthur និងអ្នកចាំទី Neto ៕
ប្រែសម្រួល:ស៊ុនលី
