អ៊ីតាលី ៖ អ្នកស្រាវជ្រាវ បានព្រមានកាលពីថ្ងៃចន្ទថា ប្រភេទសត្វស្រមោចភ្លើង ឬសត្វស្រមោចក្រហម ត្រូវបានចាត់ថ្នាក់ជា ប្រភេទសត្វឈ្លានពាន ដ៏អាក្រក់បំផុត និងថ្លៃបំផុតនៅលើពិភពលោក ត្រូវបានគេប្រទះឃើញនៅអឺរ៉ុប ជាលើកដំបូង យោងតាមការចេញផ្សាយពីគេហទំព័រ UPI ។
នេះបើយោងតាមអ្នកនិពន្ធ នៃការសិក្សា ដែលបាន ចុះផ្សាយក្នុងទស្សនាវដ្ដី Current Biology ថា ទោះបីជាមានការស្ទាក់ ចាប់ជាច្រើន នៃប្រភេទស្រមោចអាមេរិកខាងត្បូង ដែលបំផ្លិចបំផ្លាញ កាលពីមុន ក្នុងទ្វីបអ៊ឺរ៉ុបក៏ដោយ ក៏អាណានិគមដែលបង្កើតឡើង និងចាស់ទុំមិនត្រូវ បានរកឃើញនៅលើទ្វីប រហូតដល់រដូវរងា កន្លងមកនេះក្នុងប្រទេសអ៊ីតាលី ។
ក្រុមអ្នកស្រាវជ្រាវអេស្ប៉ាញ និងអ៊ីតាលីបានរកឃើញសំបុក ស្រមោចក្រហមចំនួន ៨៨ លើផ្ទៃដី ៥ ហិចតានៅជិតទីក្រុងកំពង់ផែពាណិជ្ជកម្ម Sicilian នៃទីក្រុង Syracuse ហើយបានកំណត់តាមរយៈការធ្វើតេស្តិ៍ហ្សែនថា អាណានិគមអាចមកតាមរយៈការដឹកជញ្ជូន ទំនិញពីប្រទេសចិន ឬសហរដ្ឋអាមេរិក ។
អ្នកស្រាវជ្រាវបាននិយាយថា ពួកគេបានប្រើគំរូ តាមដានខ្យល់ និងការចែកចាយប្រភេទសត្វដើម្បីកំណត់ថា ពាក់កណ្តាល នៃតំបន់ទីក្រុងនៅអឺរ៉ុប សម្រាប់ការឆ្លងមេរោគ ដោយ Solenopsis invicta ហើយថា ការឡើងកម្ដៅ នៃអាកាសធាតុដែលរំពឹងទុកក្រោម និន្នាការបច្ចុប្បន្ននឹង អនុគ្រោះដល់ការពង្រីក នៃស្រមោចឈ្លានពាននេះ ។
ក្រុមអ្នកស្រាវជ្រាវបានព្រមានថា ទីក្រុងធំៗដូចជាទីក្រុងបាសេឡូណា ទីក្រុងរ៉ូម ទីក្រុងឡុងដ៍ ឬទីក្រុងប៉ារីស ជាដើម អាចរងផលប៉ះពាល់យ៉ាងខ្លាំង ដោយប្រភេទសត្វដែលឈ្លានពាននេះ និងអាចប៉ះពាល់ដល់របៀប រស់នៅរបស់មនុស្ស ដោយសារតែភាពសម្បូរបែប និងឈ្លានពានរបស់វា។
អ្នកស្រាវជ្រាវ Mattia Menchetti នៃវិទ្យាស្ថានជីវវិទ្យាវិវត្តន៍ នៅប្រទេសអេស្ប៉ាញ បាននិយាយនៃការចេញផ្សាយថា S. invicta ជាប្រភេទសត្វឈ្លានពាន ដ៏អាក្រក់បំផុតមួយ ។ វាអាចរីករាលដាលយ៉ាងឆាប់រហ័ស ហើយការស្វែងរកប្រភេទសត្វនេះ នៅប្រទេសអ៊ីតាលីដែលការភ្ញាក់ផ្អើលដ៏ធំមួយ ប៉ុន្តែយើងដឹងថា ថ្ងៃនេះនឹងមកដល់ ៕
ដោយ៖លី ភីលីព
