បរទេស៖ យោងតាមការចេញផ្សាយរបស់ RT មន្ទីរបញ្ចកោណបានប្រកាសពីការសាកល្បងចុងក្រោយបង្អស់ នៃមីស៊ីលឆ្លងទ្វីបឬICBMថ្មីដែលស្គាល់ឈ្មោះថា Minuteman III ដោយនិយាយថា ICBM នឹងត្រូវបាញ់បង្ហោះដើម្បីបង្ហាញពីសមត្ថភាពរបស់អាមេរិក ក្នុងការបំពាក់អាវុធនុយក្លេអ៊ែរ។
អ្នកនាំពាក្យមន្ទីរបញ្ចកោណលោកឧត្តមសេនីយ៍ Pat Ryder បាននិយាយកាលពីថ្ងៃអង្គារថា ការបាញ់បង្ហោះនឹងធ្វើឡើងនៅថ្ងៃពុធនៅឯមូលដ្ឋានកងកម្លាំងអវកាស Vandenberg នៅភាគខាងត្បូងរដ្ឋកាលីហ្វ័រញ៉ាហើយទោះបីជាយ៉ាងណាក្តីលោកបានកត់សម្គាល់ថា មីស៊ីលនឹងត្រូវសាកល្បងដោយគ្មានក្បាលគ្រាប់បំពាក់ជាមួយឡើយ ។
ការសាកល្បងនេះធ្វើឡើង តិចជាងពីរខែបន្ទាប់ពីបញ្ជាការការវាយប្រហារសកលរបស់កងទ័ពអាកាសសហរដ្ឋអាមេរិក បានបាញ់បង្ហោះ Minuteman III ចេញពីមូលដ្ឋានតែមួយហើយដូចជាទៅនឹងការបាញ់បង្ហោះចុងក្រោយ ការធ្វើតេស្តនៅថ្ងៃពុធត្រូវបានពិពណ៌នាថាបានកំណត់ទុកជាមុន និង ផែនការដែលមានស្រាប់របស់អាមេរិកប៉ុណ្ណោះ។
ទោះបីជាយ៉ាងណាការបាញ់តេស្តសាកល្បងនេះវាកើតឡើងចំពេលមានភាពតានតឹងផ្នែកភូមិសាស្ត្រនយោបាយកើនឡើង នៅពេលដែលជម្លោះរុស្ស៊ី-អ៊ុយក្រែន អូសបន្លាយ សង្គ្រាមអ៊ីស្រាអែល និងក្រុមហាម៉ាស់កាន់តែកើនឡើង ហើយទំនាក់ទំនងអាមេរិក-ចិនបន្តកាន់តែយ៉ាប់យ៉ឺន៕ ប្រែសម្រួល៖ស៊ុនលី
