ប៉ុន្មានសប្តាហ៍ចុងក្រោយនេះ ព័ត៌មានជាច្រើនបានបញ្ជាក់ យ៉ាងច្បាស់ទៅហើយ កីឡាករស្វីស Granit Xhaka នឹងសម្រេចចិត្តចុងក្រោយ ក្នុងការផ្ទេរចេញពី កាំភ្លើងធំ Arsenal ហើយដើម្បីទៅចូលរួម ជាមួយនឹងក្លឹបអាល្លឺម៉ង់ Hertha Berlin វិញហើយយ៉ាងលឿនបំផុត ក្នុងខែមករានេះ ប៉ុន្តែអ្វីៗត្រូវបានផ្អាកទៅវិញ ភ្លាមក្រោយជំនួប គ្នាមួយរវាង កីឡាករនិង គ្រូបង្វឹកលោក Mikel Arteta។
គ្រូបង្វឹកក្លឹបលោក Arteta បានបញ្ជាក់ថាចុងក្រោយនេះ លោកបានជួបផ្ទាល់ជាមួយនឹងកីឡាកររូបនេះ ដើម្បីពិភាក្សាគ្នាទៅលើបញ្ហា នៃការសម្រេចចិត្តនេះ។ កន្លងមក Xhaka
ជាកីឡាករដែលធ្លាប់មាន បញ្ហារកាំរកូសខ្លាំងជាមួយ នឹងអ្នកគាំទ្រក្លឹបដោយធ្លាប់ ទាំងឈានទៅដល់ការប៉ះទង្គិចគ្នា តាមរយៈពាក្យសម្តីរាប់សិប លើកនៅលើបណ្តាញអ៊ីនធឺណេត ទៀតផង។
ទោះបីជាយ៉ាងណាផងដែរលោក Arteta បានបញ្ជាក់ដែរថានៅមិនទាន់មាន ការយល់ព្រមជាផ្លូវការជាមួយនឹង Xhaka ក្នុងការបន្តកុងត្រាឡើយហើយ សូម្បីតែខ្សែប្រយុទ្ធជួរមុខ
Aubameyang ក៏ស្ថិតនៅ ក្នុងស្ថានភាពចចារគ្នា នៅឡើយដែរ ខណៈដែលយើងបានដឹងហើយថា Barcelona និង Inter Milan កំពុងរងចាំមើលស្ថានភាព របស់កីឡាករខ្សែប្រយុទ្ធ
រូបនេះគ្រប់ពេល នៅពេលនេះ៕
ប្រែសម្រួល៖ស៊ុនលី
