បើកាលណានិយាយពីម្ចាស់ក្សត្រិយ៍ នោះគេនឹងនឹកឃើញទៅដល់ម្ចាស់ក្សត្រិយ៍អេលីហ្សាប៊ែតទី ២ នៃចក្រភពអង់គ្លេស ដោយសារតែព្រះអង្គគ្រងរាជ្យក្បែរ ៧០ឆ្នាំ។ ប៉ុន្តែគិតត្រឹមថ្ងៃទី៥ ខែមករានេះ នៅលើពិភពលោកនៅមានម្ចាស់ក្សត្រិយ៍ ដែលនៅគ្រងរាជ្យតែមិនកាន់អំណាច។
ម្ចាស់ក្សត្រិយ៍នោះគឺ ម៉ាហ្គ្រែតទី២ (Margrethe II) នៃប្រទេសដាណឺម៉ាក។
ម្ចាស់ក្សត្រិយ៍រូបនេះមានព្រះជន្ម ៨៣វស្សាហើយ។ ព្រះអង្គគ្រងរាជបល្ល័ង្កដាណឺម៉ាក់តាំងពីឆ្នាំ១៩៧២ បន្តពីបិតារបស់ទ្រង់គឺ ស្ដេចហ្វ្រេឌ្រិចទី៩ (Fredrick IX)។
មកទល់ឆ្នាំនេះ ម្ចាស់ក្សត្រិយ៍ម៉ាហ្គ្រែតគ្រងរាជ្យក្បែរ ៥២ឆ្នាំមកហើយ ដែលក្លាយជាប្រមុខរដ្ឋរាជានិយមគ្រងរាជ្យយូរជាងគេលើលោក ដែលនៅមានជីវិតក្នុងពេលបច្ចុប្បន្ននេះ។
យ៉ាងណាក៏ដោយ ម្ចាស់ក្សត្រិយ៍អង្គនេះប្រកាសដាក់រាជ្យ នៅក្នុងសុន្ទរកថាឆ្នាំថ្មីរបស់ទ្រង់ ដោយដាណឺម៉ាកនឹងមានស្ដេចថ្មីគឺ ស្ដេច Frederik នៅថ្ងៃទី១៤ ខែមករាខាងមុខនេះ៕
ប្រភព៖sabay
