The Sunsports ចេញផ្សាយ នៅថ្ងៃអង្គារទី ១៤ ខែមករានេះ បានឲ្យដឹងថាកីឡាករខ្សែការពារវ័យក្មេងអង់គ្លេស John Stone បានក្លាយទៅជាគោលដៅ របស់ក្លឹបកាំភ្លើងធំ Arsenal ទាំងគួរឲ្យភ្ញាក់ផ្អើល។
ព័ត៌មានបានចុះផ្សាយនៅក្រោយពេល ដែលស្ថានភាពជាក់ស្តែង របស់ John Stone ជាមួយនឹង Man City ហាក់ដូចជាមិនសូវល្អប្រសើរឡើយ ដោយកីឡាកររូបនេះចាំបាច់ ត្រូវតែបង្ហាញខ្លួនឲ្យបានជាប់លាប់ ដើម្បីធានាដល់តំណែងរបស់ខ្លួន ជាមួយនឹងជម្រើសជាតិអង់គ្លេស ក្នុងព្រឹត្តិការណ៍អ៊ឺរ៉ូឆ្នាំ ២០២០ ខាងមុខនេះ ។
ប្រភពដដែលបានសរសេរទៀតថា គ្រូបង្វឹក Arteta ដែលធ្លាប់ជាអ្នកធ្វើការនៅ Man City នោះទំនងជាបានដឹងស្ថានភាពនេះ ច្បាស់ហើយពេលនេះ លោកបានដាក់សំណើទៅកាន់ក្លឹបជើងឯកអង់គ្លេស រដូវកាលមុននេះរួចហើយ ដើម្បីយក Stone មកបំពេញកន្លែងខ្វះខាតរបស់ខ្លួនក្នុងរដូវកាល ដែលនៅសេសសល់ ៕
ប្រែសម្រួល៖ស៊ុនលី
