ឡុងដ៏៖ ក្រុមហ៊ុនបច្ចេកវិទ្យាយក្សចិន Huawei បានដាក់ចេញនូវផែនការវិនិយោគ និងឧបករណ៍អភិវឌ្ឍន៍ របស់ខ្លួននៅសន្និសីទអ្នកអភិវឌ្ឍន៍ Huawei លើកដំបូងរបស់ចក្រភពអង់គ្លេស និងអៀរឡង់កាលពីថ្ងៃពុធ ក្នុងគោលបំណងគាំទ្រដល់អ្នកអភិវឌ្ឍន៍ ក្នុងស្រុកដែលកំពុងស្វែងរក ធ្វើការជាមួយក្រុមហ៊ុន Huawei Mobile Services (HMS) យោងតាមការចេញផ្សាយ ពីគេហទំព័រឆៃណាឌៀលី ។
HMS គឺជាប្រព័ន្ធអេកូឡូស៊ីចល័ត របស់ក្រុមហ៊ុន Huawei សម្រាប់អ្នកប្រើប្រាស់ ទូរស័ព្ទចល័ត ហើយ HMS នាំមកជូននូវមុខងារសំខាន់ៗ ជាច្រើនដូចជាលេខសម្គាល់ក្រុមហ៊ុន Huawei ការជំរុញការជូនដំណឹងការបង់ប្រាក់ និងសេវាកម្មផ្សេងៗទៀត ។
ទន្ទឹមនឹងនេះការធ្វើសមាហរណកម្ម HMS នឹងអនុញ្ញាតឲ្យអាជីវកម្ម ទទួលបានការចូលដោយផ្ទាល់ ទៅផ្នែករឹង និងបច្ចេកវិទ្យាបញ្ញាសិប្បនិម្មិត ។
ឧបករណ៍ស្នូល 24 HMS បានចាប់ផ្តើមធ្វើសន្និសិទនៅទីក្រុងឡុងដ៍ ក្នុងគោលបំណងផ្តល់ឲ្យអ្នកធ្វើអាជីវកម្ម និងអ្នកអភិវឌ្ឍន៍នូវលទ្ធភាព ទទួលបានឧបករណ៍អ្នកអភិវឌ្ឍន៍ ប្រភពបើកចំហ ដូច្នេះពួកគេអាចមានបទពិសោធ អ្នកប្រើពិសេស នៅពេលអភិវឌ្ឍហើយ បន្ទាប់មកបញ្ចូលកម្មវិធី របស់ពួកគេចូលទៅក្នុងវិចិត្រសាល HMS របស់ ក្រុមហ៊ុន ។
ក្រុមហ៊ុនក៏បានប្រកាសផែនការវិនិយោគចំនួន ២០ លានផោន (ប្រហែល ២៦ លានដុល្លារ) ដើម្បីជួយលើកកម្ពស់អ្នកអភិវឌ្ឍន៍ចក្រភពអង់គ្លេស និងអៀរឡង់ ដែលធ្វើការជាមួយក្រុមហ៊ុន HMS និងមានបំណងចូលរួមក្នុង កម្មវិធី Huawei App Gallery ។
ការវិនិយោគនេះគឺជាផ្នែកមួយ នៃផែនការសកលបានបង្ហាញ ដោយលោក Richard Yu នាយកប្រតិបត្តិក្រុមហ៊ុនអាជីវកម្មអតិថិជនរបស់ Huawei នៅទីក្រុងមុយនិចកាលពីខែកញ្ញា ដែលផ្តល់ការវិនិយោគសរុបចំនួន ៣ ពាន់លានដុល្លារ៕ ដោយ៖លី ភីលីព
