ញូវយ៉ក ៖ បុគ្គលិក Apple Store នៅ Towson រដ្ឋ Maryland ដែលជាបុគ្គលិកលក់រាយ របស់ក្រុមហ៊ុនបច្ចេកវិទ្យាយក្ស ដំបូងគេបានរួបរួមបានបង្កើត ប្រវត្តិសាស្ត្រម្តងទៀត ដោយការបោះឆ្នោតកាលពីល្ងាចថ្ងៃសៅរ៍ ដើម្បីផ្តល់សិទ្ធិធ្វើកូដកម្ម ។
សមាគមអន្តរជាតិ នៃគ្រឿងម៉ាស៊ីន និងសម្ព័ន្ធកម្មករ លំហអាកាស នៃអង្គការនិយោជិតលក់រាយ (IAM CORE) ជាសហជីពតំណាងកម្មករ បាននិយាយក្នុងសេចក្តី ប្រកាសព័ត៌មានថា ការបោះឆ្នោតគូសបញ្ជាក់ពីការខកចិត្ត ក្នុងចំណោមកម្មករទាក់ទង នឹងបញ្ហានៅកន្លែងធ្វើការ ដែលមិនត្រូវបានដោះស្រាយ ។
បុគ្គលិកក្នុងហាងនៅ Towson ជាយក្រុង Baltimore បានធ្វើការចរចារកិច្ចសន្យាជាមួយអ្នកគ្រប់គ្រង Apple តាំងពីឆ្នាំមុន ជុំវិញបញ្ហាមួយចំនួន រួមទាំងការអនុវត្ត កាលវិភាគ និង ប្រាក់ឈ្នួលរបស់ហាងចំពោះការកំណត់កាលវិភាគការអនុវត្ត និងប្រាក់ឈ្នួលដែលមិនស្រប តាមតម្លៃនៃការរស់ នៅរបស់តំបន់ ។
សមាជិកនៃគណៈកម្មាធិការចរចា របស់សហជីពបាននិយាយកាលពីថ្ងៃសៅរ៍ថា ការបោះឆ្នោតថ្ងៃនេះ គឺជាជំហានដំបូងក្នុងការបង្ហាញ ពីសាមគ្គីភាពរបស់យើង និងផ្ញើសារច្បាស់លាស់មួយទៅកាន់ Apple ។ ការអនុម័តការបោះឆ្នោតដាក់ទណ្ឌកម្ម លើការធ្វើកូដកម្មបង្ហាញ ពីការប្តេជ្ញាចិត្តមិនងាករេរបស់ IAM CORE ក្នុងការតស៊ូមតិដើម្បីសិទ្ធិ និងសុខុមាលភាពរបស់កម្មករ នៅពេលប្រឈមមុខនឹងបញ្ហា ។
ជាការឆ្លើយតប Apple បាននិយាយក្នុងសេចក្តីថ្លែងការណ៍មួយទៅកាន់ CNN ថា ខ្លួននឹងចូលរួមជាមួយសហជីពតំណាងឲ្យក្រុមរបស់យើងនៅ Towson ដោយការគោរព និងដោយស្មោះត្រង់ ។ ចំណែកអ្នកនាំពាក្យរបស់ Apple បាននិយាយថា Apple យើងខិតខំប្រឹងប្រែង ដើម្បីផ្តល់នូវបទពិសោធន៍ ដ៏ល្អសម្រាប់សមាជិកក្រុមលក់ រាយរបស់យើង និងផ្តល់អំណាចឲ្យពួកគេក្នុងការផ្តល់ នូវសេវាកម្មពិសេស សម្រាប់អតិថិជនរបស់យើង ។
យើងផ្តល់តម្លៃយ៉ាងជ្រាលជ្រៅ ដល់សមាជិកក្រុមរបស់យើង ហើយយើងមានមោទនភាព ក្នុងការផ្តល់ឲ្យពួកគេនូវសំណង ឈានមុខគេក្នុងឧស្សាហកម្ម និងអត្ថប្រយោជន៍ពិសេស ។ សហជីពនៅហាង Towson មិនបានបង្ហាញពីកាលបរិច្ឆេទ ដែលសមាជិកនឹងធ្វើកូដកម្មនោះទេ ។
ទន្ទឹមនឹងនេះ ការបោះឆ្នោតមួយផ្សេងទៀត សម្រាប់ហាងមួយដើម្បីរួបរួមត្រូវបានបរាជ័យ នៅចុងសប្តាហ៍នេះ។ បុគ្គលិក Apple នៅផ្សារទំនើបនៅហាង Short Hills ក្នុងរដ្ឋ New Jersey បានបោះឆ្នោតប្រឆាំងនឹងការរួបរួមកាលពីថ្ងៃសៅរ៍ ។
សហជីពដែលគេស្គាល់ថា ជាអ្នកធ្វើការផ្នែកទំនាក់ទំនង របស់អាមេរិកបានចោទថា Apple បានចូលរួមក្នុងសកម្មភាពរារាំងសហជីពខុសច្បាប់ ហើយបានបន្ទោសការបរាជ័យលើយុទ្ធសាស្ត្ររបស់ Apple៕
ដោយ៖លី ភីលីព
