អ៊ីតាលី៖ ការសិក្សាថ្មីមួយបានបង្ហាញថា ជនជាតិរ៉ូម៉ាំងបុរាណ បានប្រើថ្នាំបុរាណចិន រួមទាំងឫស និងថ្នាំដែលត្រូវបានដាំដុះនៅអាស៊ី ដើម្បីព្យាបាលជំងឺ ដូចជាជំងឺរលាក់ពោះវៀន កាលពីសម័យកាលនោះ បើយោងតាមការចេញផ្សាយ ពីគេហទំព័រឌៀលីម៉ែល ។
ក្រុមអ្នកស្រាវជ្រាវមក ពីសាកលវិទ្យាល័យ Tor Vergata នៃទីក្រុងរ៉ូមនៅប្រទេសអ៊ីតាលី បានពិនិត្យអដ្ឋិធាតុដែលមានអាយុកាល ២០០០ ឆ្នាំនៃធ្មេញ និងបន្ទះរបស់ស្ត្រីវ័យក្មេងម្នាក់ រស់នៅជាមួយជំងឺនេះ ។ វាគឺជាសំណល់គីមីនៅក្នុងបន្ទះធ្មេញ របស់នាងដោយចង្អុល បង្ហាញពីការប្រើប្រាស់រុក្ខជាតិ ឱសថដូចជាយិនស៊ិននិងរមៀត ដើម្បីព្យាបាលស្ថានភាពរបស់នាង ។
អដ្ឋិធាតុរបស់នាងត្រូវបានរកឃើញនៅ Tuscany ក្នុងឆ្នាំ ២០០៨ និងការសិក្សា មុនដោយប្រើការវិភាគ DNA បានរកឃើញថា នាងមានហ្សែនទទួលខុសត្រូវ ចំពោះជំងឺរលាក់ពោះវៀន ក៏ដូចជាសញ្ញានៃការបាត់បង់ឆ្អឹង ។ ក្រុមអ្នកស្រាវជ្រាវនិយាយថា ការរកឃើញឱសថ និងគ្រឿងទេសបានបង្ហាញថា មានការធ្វើពាណិជ្ជកម្មរុក្ខជាតិដ៏សំខាន់មួយ រវាងចក្រភពរ៉ូម និងបូព៌ា ។
លោក Eivind Heldaas Seland នៅសាកលវិទ្យាល័យ Bergen ក្នុងប្រទេសន័រវេស បានប្រាប់អ្នកវិទ្យាសាស្ត្រថ្មីថា លើពិភពលោក ដែលគ្មានថ្នាំពេទ្យទំនើប សម្រាប់មនុស្សនឹងប្រើវិធីព្យាបាលណា ដែលពួកគេគិតថា អាចដំណើរការបាន ។ គ្រោងឆ្អឹងជាកម្មសិទ្ធិរបស់ស្ត្រីម្នាក់គិតថា មានអាយុប្រហែលជា ២០ ឆ្នាំនៅពេលនាងស្លាប់។
នាងត្រូវបានគេរកឃើញថា មានសញ្ញានៃកង្វះអាហារូបត្ថម្ភ និងការបាត់បង់ឆ្អឹង ប៉ុន្តែនាងក៏ត្រូវបានបញ្ចុះជាមួយគ្រឿងអលង្ការមាសដែលមានន័យថា នាងទំនងជាមកពីគ្រួសារអ្នកមានម្នាក់ ។ នៅពេលនាងមានជំងឺរលាក់ពោះវៀន ដោយបរិភោគរបបអាហារ មានជាតិសារធាតុជ័រស្អិត ពួកគេអាចទទួលរងពីការឈឺពោះ ហើយវាអាចបណ្តាលឲ្យបាត់បង់ឆ្អឹង៕ ដោយ៖លី ភីលីព
