ចិន ៖ ដ្ឋបាលអវកាសជាតិចិន បានប្រាប់ឲ្យដឹងថា ផ្កាយរណប បារាំង-ចិន បានបាញ់បង្ហោះកាលពីថ្ងៃសៅរ៍ ដើម្បីស្វែងរកការផ្ទុះដ៏ខ្លាំងបំផុត ក្នុងចក្រវាឡដែលគួរឲ្យកត់សម្គាល់ នៃកិច្ចសហប្រតិបត្តិការ រវាងមហាអំណាចលោកខាងលិច និងមហាអំណាចអាស៊ី ។
អ្នកកាសែត AFP បានឃើញនៅលើយន្តហោះ Long March 2-C របស់ចិនពីមូលដ្ឋានអវកាសក្នុងទីក្រុង Xichang ក្នុងខេត្ត Sichuan ភាគនិរតីថា បង្កើតឡើង ដោយវិស្វករ មកពីប្រទេសទាំង ២ គឺ Space Variable Objects Monitor ឬ SVOM នឹងស្វែងរកការផ្ទុះកាំរស្មីហ្គាម៉ា ជាពន្លឺ ដែលបានធ្វើដំណើរ រាប់ពាន់លានឆ្នាំពន្លឺ ដើម្បីទៅដល់ផែនដី។ ផ្កាយរណបមានទម្ងន់ ៩៣០ គីឡូក្រាម ដែលផ្ទុកឧបករណ៍ចំនួន ៤ រួមមានបារាំង ២ និងចិន២ បានហោះឡើងនៅម៉ោងប្រហែល ៣ រសៀល ។
ការផ្ទុះកាំរស្មីហ្គាម៉ាជាទូទៅកើតឡើង បន្ទាប់ពីការផ្ទុះនៃផ្កាយដ៏ធំជាងព្រះអាទិត្យ ២០ ដង ឬការបញ្ចូលគ្នានៃផ្កាយតូច។ ធ្នឹមលោហធាតុភ្លឺខ្លាំងអាចបញ្ចេញ ថាមពលដែលស្មើ នឹងព្រះអាទិត្យជាងមួយពាន់លាន ។
លោក Ore Gottlieb អ្នកជំនាញខាងរូបវិទ្យានៅមជ្ឈមណ្ឌល Flatiron Institute for Astrophysics ក្នុងទីក្រុងញូវយ៉ក បានប្រាប់ AFP ថា ការសង្កេតមើលពួកគេ ដូចជាការមើលទៅអតីតកាល ដោយសារពន្លឺពីវត្ថុទាំងនេះ ត្រូវចំណាយពេលយូរ ដើម្បីទៅដល់យើង។
កាំរស្មីផ្ទុកដាននៃពពកឧស្ម័ន និង កាឡាក់ស៊ីដែលពួកគេឆ្លងកាត់ ក្នុងដំណើររបស់ពួកគេឆ្លង កាត់លំហជាទិន្នន័យ ដ៏មានតម្លៃសម្រាប់ការយល់ដឹង កាន់តែច្បាស់អំពីប្រវត្តិសាស្រ្ត និងការវិវត្តនៃសកលលោក ។
លោក Gottlieb បាននិយាយថា SVOM មានសក្តានុពលក្នុងការស្រាយអាថ៌កំបាំងជាច្រើននៅក្នុងវាលនៃការផ្ទុះកាំរស្មីហ្គាម៉ារួមទាំងការរកឃើញ GRBs ឆ្ងាយបំផុតនៅលើសកលលោកដែលត្រូវនឹង GRBs ដំបូងបំផុត ។
ការផ្ទុះឆ្ងាយបំផុតត្រូវបាន គេកំណត់អត្តសញ្ញាណរហូតមកដល់បច្ចុប្បន្ន ត្រូវបានផលិតត្រឹមតែ ៦៣០ លានឆ្នាំ បន្ទាប់ពី Big Bang នៅពេលដែលសកលលោកស្ថិត នៅវ័យក្មេង ។
នេះបើតាមការលើកឡើងរបស់លោក Frederic Daigne អ្នកជំនាញរូបវិទ្យា នៅវិទ្យាស្ថាន Astrophysique de Paris បាននិយាយថា យើងចាប់អារម្មណ៍នឹងការ ផ្ទុះកាំរស្មីហ្គាម៉ាសម្រាប់ជាប្រយោជន៍ផ្ទាល់ខ្លួន របស់ពួកគេ ព្រោះវាគឺជាការផ្ទុះលោហធាតុខ្លាំងបំផុត ធ្វើឲ្យយើងយល់កាន់តែច្បាស់ អំពីការស្លាប់របស់តារាមួយចំនួន ៕
ដោយ៖លី ភីលីព
