ចិន៖ប្រព័ន្ធផ្សព្វផ្សាយ ក្នុងស្រុកបានរាយការណ៍ថា តារាសម្តែងជនជាតិ អាមេរិកដើមកំណើតចិន នាង Liu Yifei និងឪពុកធម៌របស់នាង លោក Chen Jinfei នាយកប្រតិបត្តិ នៃក្រុមហ៊ុន Beijing Tongchan Investment Group ត្រូវបានអ្នកគាំទ្រ និងទស្សនិកជននាងប្រទះឃើញទទួលទានអាហារ ជាមួយគ្នានៅភោជនីយដ្ឋានមួយកន្លែង ។
យោងតាម 163 Liu បានប្រាប់ឲ្យដឹងថា នាងបានស្លៀកពាក់រ៉ូបផ្កាយ៉ាង សាមញ្ញជាមួយនឹងសក់ចុះក្រោម ពាក់វ៉ែនតា និងការតុបតែងមុខធម្មតា សម្រាប់អាហារពេលល្ងាច របស់នាងជាមួយលោក Chen កាលពីថ្ងៃសុក្រ។ អ្នកទាំង ២ ត្រូវបានគេសង្កេតឃើញចាកចេញពីភោជនីយដ្ឋានមួយ ខណៈអ្នកទំាង២នាក់កំពុងជជែកគ្នាលេងយ៉ាងសប្បាយរីករាយ ។
ពេលចេញពីកន្លែងទីនោះ នាង Liu និងលោក Chen បានបន្តការសន្ទនាពេលកំពុងរង់ ចាំឡានរបស់ពួកគេ។ សកម្មភាពរបស់ពួកគេមើលទៅមានលក្ខណៈធម្មជាតិ ហើយត្រូវបានប្រព័ន្ធផ្សព្វផ្សាយពណ៌នាថា ស្រដៀងទៅនឹងឪពុក និងកូនស្រី។
បច្ចុប្បន្ននេះ នាងជានាយកប្រតិបត្តិនៃទីភ្នាក់ងារគ្រប់គ្រងរបស់ Liu Hongxingwu Entertainment និងកាន់កាប់ភាគហ៊ុន ៩០ភាគរយរបស់ក្រុមហ៊ុន ។ នាង Liu ជាសិល្បការិនីតែមួយគត់ដែលគ្រប់គ្រងដោយក្រុមហ៊ុន។ រឿងភាគទូរទស្សន៍ចុង ក្រោយរបស់នាង “The Tale of Rose” ដែលចាក់ បញ្ចាំងនៅថ្ងៃទី ៨ ខែមិថុនា និងទទួលបានប្រជា ប្រិយភាព យ៉ាងឆាប់រហ័ស ៕
