បរទេស ៖ យោងតាមការចេញផ្សាយ របស់ RT នាយកប្រតិបត្តិក្រុមហ៊ុន SpaceX និង Tesla លោក Elon Musk បានឆ្លើយតបទៅនឹងបញ្ហាប្រឈម របស់ប្រធានាធិបតី Venezuela លោក Nicolas Maduro ក្នុងការប្រយុទ្ធប្រឆាំង នឹងការចោទ ប្រកាន់ពីការក្លែងបន្លំពី Musk ដោយនិយាយថា លោកបានត្រៀមខ្លួនរួចរាល់ហើយ ដើម្បីទទួលយកវា ។
មេដឹកនាំប្រទេសនៅអាមេរិកខាងត្បូង ដែលទើបតែឈ្នះអាណត្តិទីបី ក្នុងការបោះឆ្នោតប្រធានាធិបតី បានចោទប្រកាន់លោក Musk កាលពីថ្ងៃចន្ទថា កំពុងព្យាយាមរំខានដល់សន្តិភាព និងស្ថិរភាពនៅក្នុងប្រទេស ដោយហៅអ្នកជំនួញថា សត្រូវថ្មីរបស់លោកថែមទៀតផង ។
លោក Maduro បានឆ្លើយតប ទៅនឹងការអះអាងរបស់លោក Musk អំពីការក្លែងបន្លំការបោះឆ្នោតដ៏សំខាន់ ដោយបានប្រកួតប្រជែង ជាមួយមហាសេដ្ឋីឱ្យមានការប្រយុទ្ធគ្នា ក្នុងអំឡុងពេលសុន្ទរកថា ដែលគាត់បានធ្វើនៅលើកញ្ចក់ទូរទស្សន៍ជាតិ។
Maduro កំពុងឆ្លើយតបទៅកាន់ Muskកាលពីថ្ងៃពុធនៅពេលដែលសហគ្រិន Mario Nawfal បានសួរនៅក្នុងការបង្ហោះនៅលើ X ថា៖តើនរណាចង់ឃើញការប្រកួតរវាង Maduro vs Elon Fight នៅលើកាត Bingo ឆ្នាំ២០២៤ របស់ពួកគេ?លោកMusk បានឆ្លើយតបយ៉ាងសាមញ្ញដោយសរសេរថា ខ្ញុំទទួលយកវា។
គួរឲ្យដឹងដែរថានាយកប្រតិបត្តិក្រុមហ៊ុន SpaceX មានប្រវត្តិ នៃការញុះញង់សាធារណជនឱ្យមានការប្រយុទ្ធគ្នា។ មហាសេដ្ឋីបច្ចេកវិទ្យារូបនេះ បានអះអាងជាយូរមកហើយថា គាត់អាចឈ្នះក្នុងការប្រយុទ្ធប្រឆាំង នឹងស្ថាបនិក Facebook ដែលជាមហាសេដ្ឋី Mark Zuckerbergផងដែរ៕
ប្រែសម្រួល៖ស៊ុនលី
