តោខៀវ Chelsea និង Atlético Madrid បានព្រមព្រៀងគ្នាអស់ហើយ ពីការនាំយកកីឡាករជម្រើសជាតិអង់គ្លេស Conor Gallagher ទៅកាន់ទឹកដីអេស្ប៉ាញ។
តាមព័ត៌មានដែលបានចេញផ្សាយនៅថ្ងៃអង្គារនេះឲ្យដឹងថា AT Madrid និង តោខៀវ Chelsea បានព្រមព្រៀងគ្នាលើតម្លៃ ៤០លានអឺរ៉ូ សម្រាប់ការនាំយកខ្សែបម្រើអង់គ្លេសទៅកាន់ទឹកដីអេស្ប៉ាញ។
អ្វីៗចុងក្រោយស្ថិតនៅលើ Conor Gallagher ខ្លួនឯង ប៉ុណ្ណោះថាចង់ទៅកាន់ទឹកដីអេស្ប៉ាញឬអត់។ បើតាមភ្នាក់ងាររបស់ Conor បានបញ្ជាក់ថា ការឆ្លើយតប នឹងធ្វើឡើងក្នុងរយៈពេលដ៏ខ្លីខាងមុខនេះអាចជា២ឬ៣ថ្ងៃប៉ុណ្ណោះ។
ការសម្រេចចិត្តក្នុងរយៈពេលដ៏ខ្លីពីការលក់ Conor Gallagher នេះត្រូវបានគេដឹងថា បន្ទាប់ពីខ្សែបម្រើជម្រើសជាតិអង់គ្លេសបានរៀបចំឯកសារ ដើម្បីស្នើសុំឡើងប្រាក់ខែខ្ពស់ខ្លាំងពេក។ ដូច្នេះអនាគតរបស់ខ្សែបម្រើរូបនេះកំពុងស្ថិតក្នុងដៃរបស់គេថា ត្រូវធ្វើបែបណា៕
