បរទេស៖ តារាភាពយន្តក្បាច់គុនជើងចាស់របស់ហុងកុង គឺលោក Norman Chui បានទទួលមរណភាពហើយ នៅទីក្រុងប៉េកាំងកាលពីថ្ងៃទី ១ ខែកញ្ញា។ លោក Norman Chui អាយុ ៧៣ឆ្នាំ បានទទួលរងនូវជំងឺមហារីកបំពង់អាហារ ហើយភរិយារបស់លោកដែលមានអាយុក្មេងជាងលោក ៣០ ឆ្នាំ ក៏បានទទួលមរណភាពផងដែរ រយៈពេលពីរបីថ្ងៃក្រោយមក។
យោងតាមវែបសាយ Asia One ចេញផ្សាយនៅថ្ងៃទី១៦ ខែកញ្ញា ឆ្នាំ២០២៤ បានឱ្យដឹងដោយយោងតាមប្រព័ន្ធផ្សព្វផ្សាយហុងកុងថា មិត្តភ័ក្តិយូរឆ្នាំរបស់លោកគឺតារាសម្តែងហុងកុង Tin Kai Man បានប្រាប់ As1 ថា ប្រពន្ធរបស់គាត់មានអារម្មណ៍មិនស្រួលនៅពេលរៀបចំពិធីបុណ្យសពរបស់ប្តី ហើយទំនងជាគាំងបេះដូង។
Kai Man បានប្រាប់សារព័ត៌មានអនឡាញថា “គាត់មិនដឹងថា លោក Norman Chui មានជំងឺមហារីកទេ ចាស់ៗខ្លះមិនចូលចិត្តពិនិត្យសុខភាព ទើបគាត់ស្លាប់ភ្លាមៗ។ ខ្ញុំបានជួបគាត់នៅ Hengdian យូរហើយ ហើយមិត្តធម្មតាម្នាក់បានជួបគាត់កាលពីខែមករាឆ្នាំនេះ គាត់សុខសប្បាយជាទេ”។ បន្ទាប់មក ហើយគាត់បាននិយាយថា គាត់កំពុងរស់នៅក្នុងទីក្រុងប៉េកាំង” ។
លោកបានបន្ថែមថា Norman គឺជាតារាសម្តែង “ឧស្សាហ៍ព្យាយាម” និង “ឧស្សាហ៍” ។ Norman បានចូលថតរឿង ក្នុងទស្សវត្សរ៍ឆ្នាំ 1970 ដោយដើរតួជាវីរបុរសក្នុងខ្សែភាពយន្ត និងរឿងភាគសិល្បៈក្បាច់គុនជាច្រើន។ លោកបានរៀបការពីរដងហើយមានកូនប្រុសម្នាក់មុនពេលបានណាត់ជួបជាមួយតារាសម្ដែងហុងកុង Shirley Yim ដែលលោកមានកូនប្រុស Edward និងកូនស្រី Erica។
លោកបានចងសម្ព័ន្ធមេត្រីជាមួយប្រពន្ធទី៣ និងប្រពន្ធចុងក្រោយរបស់លោកក្នុងឆ្នាំ២០០៤ ហើយពួកគេបានបន្សល់ទុកកូនប្រុសម្នាក់ និងស្រីម្នាក់៕
ប្រែសម្រួលៈ ណៃ តុលា
