ចិន ៖ យោងតាមការចេញផ្សាយ ពីគេហទំព័រ China Daily បាននិយាយថា លោក Zhao Shengliang ជាអ្នកប្រាជ្ញផ្នែកសិល្បៈ Dunhuang បានឈរនៅក្បែរលោកប្រធានាធិបតី Xi Jinping នៅពេលដែលអ្នកទំាង ២ នាក់ ចុះបានត្រួតពិនិត្យយ៉ាងល្អិតល្អន់ រូងភ្នំ ចម្លាក់ និងគំនូរដែលមានអាយុកាលជាង ១,៦០០ ឆ្នាំ ។
នេះជាលើកទី២ហើយ ដែលលោក Zhao អមដំណើរលោក Xi សម្រាប់ការត្រួតពិនិត្យវប្បធម៌បែបនេះ ប៉ុន្តែពេលនេះបានធ្វើឲ្យ លោកចាប់អារម្មណ៍ខ្លាំងដូចលើកទីមួយ ខណៈលោកបានបញ្ជាក់សារជាថ្មី នូវការយកចិត្តទុកដាក់ មិនរសាយរបស់ប្រធានាធិបតី ក្នុងការអភិរក្សបេតិកភណ្ឌដ៏សម្បូរបែប របស់ប្រទេសចិន ។
នេះជាដំណើរកម្សាន្តរយៈពេល ៤ ថ្ងៃរបស់លោក Xi ទៅកាន់ ខេត្ត Gansu កាលពីសប្តាហ៍មុន លោក Zhao បានអមដំណើរលោកប្រធានាធិបតី ក្នុងដំណើរស្វែងរកការពិត ទៅកាន់ Maijishan Grottoes ជាកន្លែងមួយក្នុងចំណោមទីតាំងធំៗទាំង ៤ របស់ប្រទេសចិន។ ៣ផ្សេងទៀតគឺ Mogao Grottoes នៅ Dunhuang, Gansu; Yungang Grottoes នៅ Datong ខេត្ត Shanxi; និង Longmen Grottoes ក្នុង Luoyang ខេត្ត Henan ។
លោក Xi ជាអគ្គលេខាធិការ គណៈកម្មាធិការមជ្ឈិមបក្សកុម្មុយនិស្តចិន បានលើកទឹកចិត្តដល់អ្នកជំនាញ ផ្នែកបេតិកភណ្ឌវប្បធម៌ឲ្យរក្សាការ ប្តេជ្ញាចិត្ត ដើម្បីការពារទ្រព្យសម្បត្តិ របស់ប្រទេសជាតិ និងចូលរួមកិច្ចខិតខំប្រឹងប្រែង កាន់តែខ្លាំងក្នុងការអភិរក្ស និងការបង្កើតថ្មីនៃបេតិកភណ្ឌវប្បធម៌ ដ៏សម្បូរបែបរបស់ប្រទេសចិន ខណៈពង្រឹងឥទ្ធិពលវប្បធម៌ របស់ប្រទេសចិនលើ ដំណាក់កាលសកល។
Maijishan Grottoes មានរូងភ្នំចំនួន ២២១ តភ្ជាប់ដោយផ្លូវដើរខ្ពស់ និងមានផ្ទះជាង ១០,០០០ខ្នងធ្វើដីឥដ្ឋ។ ត្រូវបានគេស្គាល់ថា ជាសារមន្ទីរចម្លាក់បូព៌ាជាកន្លែងសំខាន់មួយនៅតាមបណ្តោយផ្លូវសូត្របុរាណ។ ទេសភាពដ៏ធំល្វឹងល្វើយរបស់ប្រទេសចិន គឺជាជម្រកនៃប្រាសាទរូងភ្នំជិត ៦,០០០ ហើយប្រធានាធិបតីចិនបានសរសើរកន្លែងដ៏អស្ចារ្យបំផុតរបស់ប្រទេសនេះថា ជាកំណប់ទ្រព្យនៃអរិយធម៌ចិន ដែលមានតម្លៃប្រវត្តិសាស្រ្ត និងវប្បធម៌ដ៏សំខាន់៕
