The Sunsports ចេញផ្សាយនៅថ្ងៃសុក្រទី២៤ ខែមករានេះបានឲ្យដឹងថា កីឡាករវេល Gareth Bale បានក្លាយទៅជាប្រធានបទក្តៅគគុកបំផុតមួយ សម្រាប់អ្នកគាំទ្ររបស់ក្លឹប Real Madrid និងអ្នកគាំទ្រផ្ទាល់ របស់កីឡាករនៅអង់គ្លេសហើយចុងក្រោយនេះ Bale ត្រូវបានគេដឹងថាបានទទួលរងរបួស ជាលើកទី៤រដូវកាលនេះ។
កីឡាករ Bale រដូវកាលនេះបានបង្ហាញខ្លួន សរុបតែ១៥ដងប៉ុណ្ណោះឲ្យក្លឹបដោយសារតែ របួសនិងការសម្រាកព្យាបាលរបស់ខ្លួនជាពិសេស នៅក្នុងការសម្រាកព្យាបាល របួសដ៏យូរមួយចុងក្រោយមុននឹងត្រឡប់មក បង្ហាញខ្លួនវិញឲ្យក្លឹបកីឡាកររូបនេះបានធ្វើឲ្យអ្នកគាំទ្រ ក្លឹបខឹងសម្បារយ៉ាងខ្លាំងដោយការលើកផ្លាកលេងសើច ឌឺដងដាក់ក្លឹប។
ក្រោយការមកដល់នៃ គ្រូបង្វឹកលោក Jose Mourinho ជាមួយនឹងក្លឹបមាន់ ខ្នាយមាស Spurs នោះកីឡាកររូបនេះតែងតែទទួលបានព៌ត័មានថា នឹងអាចផ្ទេរមកលេងជាមួយនឹងក្លឹបចាស់នេះវិញប៉ុន្តែសប្តាហ៍នេះមាន លេចឬថាក្លឹបបាននឹងធ្វើការចចារជាមួយនឹង Real Madrid ដើម្បីនាំយកកីឡាកររូបនេះខ្ចីជើងមកលេងនៅ អង់គ្លេសជាមុនសិន៕
ប្រែសម្រួល៖ស៊ុនលី
