ពិតជាមិនសរសើរមិនបាន មែនជាក្រុមមិនសូវសម្បូរទៅដោយ Super Stars អីដូចគេទេ តែបើនិយាយ ពីចង្វាក់លេងវិញក្រុមធំៗមួយចំនួនប៉ះពួកគេបះសក់ដែរហ្នឹង។ ៣ប្រកួតនៅ UEFA Champions League មកនេះ Aston Villa ធ្វើបានល្អមែនទែន ឈ្នះទាំង៣ប្រកួត ឡើងទៅកំពូលតារាងបាត់ទៅហើយ បូកទាំង៣ពិន្ទុដែលយកបានកាលពីយប់មិញដោយយកឈ្នះ២-០ ទៅលើក្រុមមកពី អ៊ីតាលី Bologna ។
៩ពិន្ទុយកបានក្នុង UEFA Champions League នេះមិនមែនឈ្នះក្រុមល្មមៗទាំងអស់នោះទេ សូម្បីតែ Bayern Munich ហ្នឹងក៏ចាញ់ Aston Villa ១-០ ដែរ។ ចំណុចដែលរឹតតែគួរឲ្យចាប់អារម្មណ៍នោះគឺ៣ប្រកួតដែលឈ្នះនោះបិទ Clean Sheets ទាំងអស់ថែមទៀងផង។
សូមបញ្ជាក់ថា ក្នុងចំណោមការយកឈ្នះទាំង៣ប្រកួតរបស់ Aston Villa ដើម្បីហក់ទៅកំពូលតារាង UCL នោះរួមមានយកឈ្នះទៅលើក្រុម Young Boys របស់ស្វីស៣-០ នៅទឹកដីរបស់ ស្វីស យកឈ្នះទៅលើ Bayern Munich ១-០ នៅទឹកដីរបស់ Aston Villa និងយកឈ្នះទៅលើក្រុម Bologna ២-០ កាលពីយប់មិញនៅទឹកដីរបស់ Aston Villa នេះឯង៕
