បន្ទាប់ពីបង្ហាញទម្រង់លេង ដ៏គួរឲ្យចាប់អារម្មណ៍ និងបានរួមចំណែកជួយក្រុមយ៉ាងច្រើន តាមរយៈទម្រង់លេងរបស់គេ Jude Bellingham ត្រូវបានសហព័ន្ធបាល់ទាត់អេស្ប៉ាញបោះឆ្នោតឲ្យជាប់ឈ្មោះជាកីឡាករល្អបំផុត ប្រចាំរដូវកាល២០២៣-២០២៤ ។
រដូវកាលមុន Bellingham បានរួមចំណែករកគ្រាប់បាន២៥ គ្រាប់ ក្នុងនោះគេរកបាន១៩គ្រាប់ និង៦ Assists បន្ថែមលើសពីនេះគេបានរួមចំណែកយ៉ាងធំក្នុងការជួយក្រុម Real Madrid ឈ្នះពាន UEFA Champions League និង La Liga កាលពីរដូវកាលមុន។
បន្ថែមពីលើការរកគ្រាប់កីឡាករវ័យ២១ឆ្នាំបានក្លាយជា Key Player ក្នុងក្រុមក្រោមការដឹកនាំរបស់លោក Carlo Ancelotti កាលពីរដូវកាលមុន។ Jude បានផ្ទេរពី Dortmund មកចូលរួមជាមួយស្ដេចស Real Madrid កាលឆ្នាំ២០២៣ បង្ហាញខ្លួនសរុបបាន៤០លើកហើយឲ្យក្រុម និងរកបាន២០គ្រាប់សរុបគ្រប់ការប្រកួត៕
