ភ្នំពេញ ៖ ក្រុមបាល់ទាត់ជម្រើសជាតិ នារីកម្ពុជា បានត្រឹមជើងឯករង ក្នុងព្រឹត្តិការណ៍ការ ប្រកួតកីឡាបាល់ទាត់ នារីពានរង្វាន់ AFF Women’s Cup 2024 នៅប្រទេសឡាវ បន្ទាប់ពីចាញ់ក្រុមបាក់ទាត់ ជម្រើសជាតិ ឥណ្ឌូនេស៊ីនៅវគ្គផ្តាច់ព្រ័ត្រនៅថ្ងៃទី៥ ខែធ្នូ ឆ្នាំ២០២៤ លទ្ធផល ១ទល់នឹង ៣ ។
ការប្រកួតផ្ដាច់ព្រ័ត្ររវាងក្រុមបាល់ទាត់ ជម្រើសជាតិនារីកម្ពុជា និងក្រុមបាក់ទាត់ជម្រើសជាតិឥណ្ឌូនេស៊ី ទទួលបានការគាំទ្រយ៉ាងខ្លាំង ពីអ្នកគាំទ្រកម្ពុជា ជាពិសេសថ្នាក់ដឹកនាំកីឡា ក្រោយក្រុមបាល់ទាត់ជម្រើសជាតិ នារីកម្ពុជាបានឈានជើងចូលវគ្គផ្ដាច់ព្រ័ត្រ ជាលើកដំបូងក្នុងប្រវត្តិសាស្រ្តក្នុងព្រឹត្តិការណ៍ ការប្រកួតកីឡាបាល់ទាត់ពានរង្វាន់ AFF Women’s Cup 2024 ។
លទ្ធផលនេះ គឺបានបង្ហាញពីការខិតខំប្រឹងប្រែងទាំងពីកីឡាការិនីផ្ទាល់ គ្រូបង្វឹក និងក្រុមការងារទាំងអស់ ពិសេសរួមទាំងអ្នកគាំទ្រ បានរួមគ្នាធ្វើការប្រកួត គាំទ្រការប្រកួត និងជំរុញឲ្យយើងទទួលបានលទ្ធផលវិជ្ជមាននាពេលនេះ៕
