អេស្ប៉ាញ៖យោងតាមការចេញផ្សាយពីគេហទំព័រ VN Express បានប្រាប់ឲ្យដឹងថា ម្ចាស់ជើងឯក Euro 2024 និងកីឡាករបាល់ទាត់ឆ្នើមរបស់ក្លឹប Barcelona Lamine Yamal ត្រូវបានគេប្រទះឃើញដើរទិញ ឥវ៉ាន់ជាមួយមិត្តស្រីថ្មីរបស់លោក គឺនាង Anna Gegnoso អាយុ ១៩ ឆ្នាំ។
អ្នកទាំង២នាក់ត្រូវបានគេឃើញដើរ ទិញឥវ៉ាន់ជាមួយគ្នានៅ La Roca ក្នុងទីក្រុង Barcelona កាលពីថ្ងៃទី ២ ខែធ្នូ ដូចដែលបានថតក្នុងវីដេអូ ដែលបានចែករម្លែកនៅលើបណ្តាញ ផ្សព្វផ្សាយសង្គម Instagram ។
យោងតាមសារព័ត៌មាន Daily Mail បានឲ្យដឹងថា នាង Gegnoso រួមជាមួយមិត្ត របស់នាង Fabiola Baglieri ដែលជាតារាលើប្រព័ន្ធផ្សព្វផ្សាយសង្គម ផ្សេងទៀតបានធ្វើដំណើរពីប្រទេសអ៊ីតាលី ទៅកាន់ប្រទេសអេស្ប៉ាញដើម្បីមើល និងគាំទ្រ Yamal ក្នុងការប្រកួត La Liga របស់ Barcelona ទល់នឹង Las Palmas នៅថ្ងៃទី ៣០ខែវិច្ឆិកា។
នាង Gegnoso ចាស់ជាងកីឡាករ Yamal ២ឆ្នាំ គឺជាតារាម៉ូដែល និងជាអ្នកមានឥទ្ធិពលប្រព័ន្ធផ្សព្វផ្សាយសង្គម ជនជាតិអ៊ីតាលី មានអ្នកតាមដានជាង ៥៩៥ ,០០០ នៅលើប្រព័ន្ធផ្សព្វផ្សាយសង្គម Instagram និង ៨៣៥,០០០ នៅលើប្រព័ន្ធផ្សព្វផ្សាយសង្គម TikTok ។ ចំនួនទាំងនេះត្រូវបានគេរំពឹងថា នឹងកើនឡើងខ្ពស់ បន្ទាប់ពីមានពាក្យចចាមអារ៉ាមទាក់ទងនឹងនាង និងតារា Barcelona ៕
