ភ្នំពេញ ៖ អត្តពលិកកីឡាតេក្វាន់ដូ WT ក្រសួងមហាផ្ទៃ ដែលដណ្តើមបានមេដាយសរុប៧គ្រឿង ក្នុងព្រឹត្តិការណ៍ THE VIETNAM 2024 ASIAN OPEN POLICE TAEKWONDO CHAMPIONSHIPSនៅប្រទេសវៀតណាម បានធ្វើដំណើរមាតុភូមិនិវត្ត មកដល់កម្ពុជាវិញហើយ នារសៀលថ្ងៃទី១១ ខែ ធ្នូ ឆ្នាំ២០២៤ បានធ្វើដំណើរមាតុភូមិនិវត្ត មកដល់កម្ពុជាវិញហើយ នារសៀលថ្ងៃទី១១ ខែ ធ្នូ ឆ្នាំ២០២៤ ។
ចំពោះអត្តពលិក ដែលដណ្តើមបានមេដាយទាំង៧ គ្រឿងពីព្រឹត្តិការណ៍ THE VIETNAM 2024 ASIAN OPEN POLICE TAEKWONDO CHAMPIONSHIPS រួមមានកីឡាការិនី ណាង វណ្ណៈ មេដាយមាស០១គ្រឿង វិញ្ញាសាមេគុន ឯកត្តជននារី កីឡាករ ផល សុវណ្ណាត់ មេដាយមាស០១គ្រឿង វិញ្ញាសាមេគុន ឯកកត្តជនបុរស កីឡាករសុវណ្ណាត់ និងកីឡាការិនី ណាង វណ្ណៈ មេដាយមាស ០១គ្រឿង វិញ្ញាសាមេគុនគូ បុរស-នារី កីឡាករ វ៉ា មិថុនា មេដាយមាស០១គ្រឿង វិញ្ញាសាប្រយុទ្ធ ទម្ងន់ក្រោម ៨០គីឡូក្រាម កីឡាការិនី ឈឿង អាលីហ្សា មេដាយប្រាក់០១គ្រឿង វិញ្ញាសាប្រយុទ្ធ ទម្ងន់ក្រោម ៥៧គីឡូក្រាម កីឡាករ វ៉ាន់ រិទ្ធី មេដាយប្រាក់០១គ្រឿង វិញ្ញាសាប្រយុទ្ធ និងកីឡាករសំ យូដេត មេដាយសំរឹទ្ធ០១គ្រឿង វិញ្ញាសាប្រយុទ្ធ ទម្ងន់ក្រោម ៥៨គីឡូក្រាម ។
ចំណែកអត្តពលិក ដែលដណ្តើមបានមេដាយពីព្រឹត្តិការណ៍ THE VIETNAM 2024 ASIAN TAEKWONDO FESTIVAL ដូចជា កីឡាករ ចុន សុវណ្ណ មេដាយមាស១គ្រឿង វិញ្ញាសា Freestyle Poomsae Male Individual កីឡាការិនី រ៉េត ផាន់ម៉ូនីកា មេដាយមាស០១គ្រឿង វិញ្ញាសាប្រយុទ្ធ ទម្ងន់ក្រោម ៤៦គីឡូក្រាម និងកីឡាការិនី គ្រី លីដែនមេដាយប្រាក់០១គ្រឿង វិញ្ញាសាប្រយុទ្ធ ទម្ងន់ក្រោម ៤៩គីឡូក្រាម ។
លោក វរសេនីត្រី ឆូយ ពុទ្ធ ប្រតិភូដឹកនាំ បានគូបញ្ជាក់ថា សមិទ្ធផលដែលទទួលបានពីព្រឹត្តិការណ៍នេះ មិនមែនជាសមិទ្ធផលថ្មី សម្រាប់អត្តពលតេក្វាន់ដូ ក្រសួងមហាផ្ទៃឡើយ ។ ពោល គឺការដណ្តើមបានមុនៗគឺចំនួនប្រហាក់ប្រហែលដូចគ្នានេះដែរ ។
លោក ឆូយ ពុទ្ធ ប្រតិភូដឹកនាំ បានអះអាងទៀតថា សម្រាប់ការចូលរួមក្រោយៗទៀត ក្នុងព្រឹត្តិការណ៍ប្រកួតអន្តរជាតិ ដែលថ្នាក់ដឹកបញ្ជូន ទៅចូលរួមក្រុមតេក្វាន់ដូ WT ក្រសួងមហាផ្ទៃ ប្តេជ្ញាចិត្ត នឹងដណ្តើមឱ្យបានលទ្ធផលល្អ ជាងនេះបន្ថែមទៀត ដើម្បីលើកមុខមាត់អង្គភាពលើឆាកអន្តរជាតិ។ជាមួយគ្នានេះ លោក តំណាងឲ្យក្រុមទាំងមូល សូមថ្លែងអំណរគុណ ជូនចំពោះលោក សរ សិទ្ធិ លោក យិត ភិរៈ និងលោក អភិសន្តិបណ្ឌិត ស សុខា ឧបនាយករដ្ឋមន្រ្តីរដ្ឋមន្រ្តីក្រសួងមាហាផ្ទៃ ដែល បានយកចិត្តទុកដាក់តាមដាន គាំទ្រឧបត្ថម្ភចំពោះសុខទុក អត្តពលិកកីឡាតេក្វាន់ដូ ក្រសួងមហាផ្ទៃ ទាំងការហ្វឹកហាត់និងពេលប្រកួត ។
ព្រឹត្តិការណ៍ THE VIETNAM 2024 ASIAN OPEN POLICE TAEKWONDO CHAMPIONSHIPS បានប្រព្រឹត្តទៅចាប់ពីថ្ងៃទី៦ ដល់ទី៩ ខែធ្នូ ឆ្នាំ២០២៤ នៅខេត្ត Quang Ninh ប្រទេសវៀតណាម ដោយមានការចូលរួមពីមន្ត្រី ប្រតិភូ គ្រូបង្វឹក និងអត្តពលិកជាង ២,៥០០រូប មកពី២៩ប្រទេស និងដែនដី។ ក្នុងព្រឹត្តិការណ៍នេះ សមាគមកីឡាតេក្វាន់ដូ WT ក្រសួងមហាផ្ទៃ បានបញ្ជូនប្រតិភូដឹកនាំ គ្រូបង្វឹក គ្រូជំនួយ កីឡាករ កីឡាការិនី សរុបចំនួន ១៤ រូប (ប្រតិភូ គ្រូបង្វឹក គ្រូជំនួយ កីឡាករ និងកីឡាការិនី ជានគរបាលជាតិមានចំនួន១១រូប) ។
ព្រឹត្តិការណ៍នេះ សមាគមកីឡាតេក្វាន់ដូ WT ក្រសួងមហាផ្ទៃ បានបញ្ជូន ប្រតិភូដឹកនាំ គ្រូបង្វឹក គ្រូជំនួយ កីឡាករ កីឡាការិនី សរុបចំនួន១៦រូបដូចជា លោក ឆូយ ពុទ្ធា ប្រតិភូដឹកនាំ លោក Choi Yongsok គ្រូដឹកនាំ លោក ឈុន សុខឡុង គ្រូបង្វឹក លោក ផន សុភា គ្រូជំនួយ លោក ប៉ាន់ ខេមរា គ្រូជំនួយ កីឡាការិនី ឈឿង អាលីហ្សា កីឡាការិនី គ្រី លីដែន កីឡាការិនី រ៉េត ផាន់ម៉ូនីកា កីឡាការិនី ណាង វណ្ណ: កីឡាករ រ៉ង លីគួង កីឡាករ សំ យូដេត កីឡាករ ចុន សុវណ្ណ កីឡាករ ផល សុវណ្ណាត់ កីឡាករ វ៉ា មិថុនា កីឡាករ វ៉ាន់ ឫទ្ធី និងកីឡាករ សិទ្ធ ឧត្តម ៕
