ចិន ៖ យោងតាមអ្នកជំនាញបានឲ្យដឹងថា បន្ទះឈីបឆ្លាតវៃ សិប្បនិម្មិត (AI) យក្សរបស់អាមេរិក Nvidia អាចប្រឈមនឹង ការផាកពិន័យរហូតដល់ ១ ពាន់លានដុល្លារអាមេរិក ក្រោមការស៊ើបអង្កេតប្រឆាំង ការទុកចិត្តរបស់ទីក្រុងប៉េកាំង ត្រូវបានគេមើលឃើញ យ៉ាងទូលំទូលាយថា ជាវិធានការសង សឹកប្រឆាំង នឹងការរឹតបន្តឹងបន្ទះឈីប ដែលកើនឡើង របស់ទីក្រុងវ៉ាស៊ីនតោន នេះយោងតាមការ ចេញផ្សាយពីគេហទំព័រ Scmp ។
នេះបើយោងតាមសេចក្តី ថ្លែងការណ៍ពីរដ្ឋបាលរដ្ឋ របស់ប្រទេសចិនសម្រាប់បទប្បញ្ញត្តិ ទីផ្សារកាលពីថ្ងៃចន្ទ បានប្រាប់ឲ្យដឹងថា ការស៊ើបអង្កេតនឹង អនុវត្តច្បាប់ប្រឆាំងផ្តាច់មុខ របស់ប្រទេសចំពោះការទិញយក Nvidia ក្នុងឆ្នាំ ២០១៩ នៃផលិតផល និងអ្នកផ្តល់ដំណោះស្រាយ Mellanox Technologies របស់ប្រទេសអ៊ីស្រាអែល ។
ប្រទេសចិនបានផ្តល់ការយល់ព្រម តាមលក្ខខណ្ឌសម្រាប់កិច្ចព្រមព្រៀង កាលខែមេសា ឆ្នាំ ២០២០ ដោយកត់សម្គាល់ថា Nvidia បានយល់ព្រមផ្គត់ផ្គង់អង្គភាព ដំណើរការក្រាហ្វិក (GPU) និងផលិតផលត ភ្ជាប់ទៅកាន់ទីផ្សារ ប្រទេសចិនដោយផ្អែក លើគោលការណ៍សមហេតុផល និងមិនរើសអើង ហើយថា វានឹងធានាភាពឆបគ្នា របស់ពួកគេជាមួយនឹងផ្នែករឹង របស់ក្រុមហ៊ុនផ្សេងទៀត ៕
