ភ្នំពេញ៖ ក្រុមកីឡាករ-កីឡាការិនី លើកទម្ងន់របស់ក្រសួងការពារជាតិឈ្នះមេដាយមាស ៣ គ្រឿងក្នុងព្រឹត្តការណ៍ប្រកួតកីឡាលើកទម្ងន់ជ្រើសរើសជើងឯកថ្នាក់ជាតិឆ្នាំ២០២៤ ថ្ងៃបើកឆាតដំបូង នៅសាលរោងដំរីនៃពហុកីឡដ្ឋានជាតិមរតកតេជោនាថ្ងៃទី១១ ខែមករា ឆ្នាំ២០២៥ ការប្រកួតនេះរៀបចំដោយសហព័ន្ធក្រោមការប្រើប្រាស់ថវិកាគាំទ្រប្រចាំឆ្នាំ២០២៤ របស់ក្រសួងអប់រំ យុវជន និងកីឡា ព្រមទំាងទទួលបានការឧបត្ថម្ភពីក្រុមហ៊ុនសាប៊ូកក់សក់ គ្រីអេតមី ។
ចំពោះនាថ្ងៃទី១១ ខែមករា ឆ្នាំ២០២៥ ក្រុមកីឡាករ-កីឡាការិនីលើកទម្ងន់របស់ក្រសួងការពារជាតិឈ្នះមេដាយមាស ៣ គ្រឿង ក្រុមកីឡាករ-កីឡាការិនីលើកទម្ងន់របស់សៀបរាមឈ្នះមេដាយមាស ១ គ្រឿង និងមេដាយសំរិទ្ធ ២ គ្រឿង ក្រុមកីឡាករ-កីឡាការិនីលើកទម្ងន់របស់ក្រសួងមហាផ្ទៃ ខេត្តកណ្តាល និងខេត្តកំពង់ចាមឈ្នះមេដាយប្រាក់ ១ គ្រឿងដូចគ្នា និងក្រុមកីឡាករ-កីឡាការិនីលើកទម្ងន់របស់ខេត្តកែបឈ្នះមេដាយសំរិទ្ធ ១ គ្រឿង។
ព្រឹត្តការណ៍ប្រកួតកីឡាលើកទម្ងន់ជ្រើសរើសជើងឯកថ្នាក់ជាតិឆ្នាំ២០២៤ ដោយមានរាជធានី-ខេត្ត និងស្ថាប័នក្រសួង ចូលរួម៨ ដែលមានក្រុមកីឡាករ-កីឡាការិនីលើកទម្ងន់ចំនួន ៣៤នាក់ ស្រី ៩ នាក់ចូលរួមចូលរួម៨ រួមមានក្រុមកីឡាករ-កីឡាការិនីលើកទម្ងន់ក្រសួងការពារជាតិ ក្រុមកីឡាករ-កីឡាការិនីលើកទម្ងន់ក្រសួងមហាផ្ទៃ ក្រុមកីឡាករ-កីឡាការិនីលើកទម្ងន់ខេត្តកណ្តាល ក្រុមកីឡាករ-កីឡាការិនីលើកទម្ងន់ខេត្តបាត់ដំបង ក្រុមកីឡាករ-កីឡាការិនីលើកទម្ងន់ខេត្តកំពង់ចាម ក្រុមកីឡាករ-កីឡាការិនីលើកទម្ងន់ខេត្ត កែប ក្រុមកីឡាករ-កីឡាការិនីលើកទម្ងន់ខេត្តសៀមរាប និងក្រុមកីឡាករ-កីឡាការិនីលើកទម្ងន់ខេត្ត ព្រះសីហនុ ។
ការប្រកួតខាងលើមាន ៨ វិញ្ញាសា មានយុវជនក្រោមអាយុ១៨ឆ្នាំ ២វិញ្ញាសា បុរស ៤ វិញ្ញាសានិង នារី ២វិញ្ញាសា ។ មន្ត្រី បច្ចេកទេស ៣៩នាក់ ស្រី១១នាក់ (ITO ៣នាក់ NTO ១៩ នាក់) និងមន្ត្រីជំនាញរួមចំណែកមួយចំនួន។ ប្រតិភូ គ្រូបង្វឹក កីឡាករ កីឡាការិនី សារុប នាក់ ស្នាក់នៅមជ្ឈមណ្ឌលប្រមូកផ្តុំអត្តពលិកជម្រើសជាតិ ពហុកីឡដ្ឋាន មរតកតេជោ និងការហូបចុករៀបចំដោយសហព័ន្ធ៕
ដោយ៖ លី ភីលីព
