បរទេស៖ គណៈវិនិច្ឆ័យនៅរដ្ឋ Massachusetts សហរដ្ឋអាមេរិក បានចោទប្រកាន់វេជ្ជបណ្ឌិតម្នាក់ដែលត្រូវបានចោទប្រកាន់ ពីបទរំលោភផ្លូវភេទលើអតីតអ្នកជំងឺជាង ២០០ នាក់ក្នុងរយៈពេលជាងមួយទសវត្សរ៍។
យោងតាមសារព័ត៌មាន AP ចេញផ្សាយនៅថ្ងៃទី១៨ ខែមករា ឆ្នាំ២០២៥ បានឱ្យដឹងថា អ្នកជំងឺបានប្តឹងលោកវេជ្ជបណ្ឌិត Derrick Todd ដែលត្រូវបានចោទប្រកាន់ពីបទធ្វើការព្យាបាលផ្នែកខាងក្រោមនៃត្រគាកដែលមិនចាំបាច់ ការពិនិត្យសុដន់ ការពិនិត្យពងស្វាស និងនីតិវិធីដែលមិនមានការធានាផ្សេងទៀតលើអ្នកជំងឺតាំងពីឆ្នាំ ២០១០។ ការិយាល័យមេធាវីនៅ Middlesex បាននិយាយនៅក្នុងសេចក្តីថ្លែងការណ៍មួយកាលពីថ្ងៃព្រហស្បតិ៍ថា វេជ្ជបណ្ឌិត Todd ត្រូវបានចោទប្រកាន់មុន នឹងមានករណី “ការរំលោភចំនួនពីរករណីចោទប្រកាន់ពីបទរំលោភផ្លូវភេទលើស្ត្រីពីរនាក់” ។
វេជ្ជបណ្ឌិត Todd បានអះអាងថា មិនមានកំហុសក្នុងអំឡុងពេលសវនាការកាលពីថ្ងៃសុក្រដែលលោកត្រូវបានដោះលែងដោយបង់ប្រាក់ធានាចំនួន ១០.០០០ ដុល្លារ។ អ្នកនាំពាក្យការិយាល័យមេធាវីស្រុកបាននិយាយថា លោកក៏ត្រូវបានបញ្ជាឱ្យនៅឆ្ងាយ និងមិនទាក់ទងជាមួយជនរងគ្រោះ ប្រគល់លិខិតឆ្លងដែន ប្រគល់អាជ្ញាប័ណ្ណពេទ្យទាំងអស់ មិនអនុវត្តថ្នាំ និងមិនសុំលិខិតឆ្លងដែន ឬអាជ្ញាប័ណ្ណថ្មី។
ការិយាល័យមេធាវីស្រុកក៏បាននិយាយផងដែរថា ការរំលោភដែលត្រូវបានចោទប្រកាន់ទាំងពីរបានកើតឡើងនៅក្នុងខែធ្នូ ឆ្នាំ ២០២២ និងខែមិថុនា ឆ្នាំ ២០២៣ ហើយការស៊ើបអង្កេតបន្ថែមលើការប្រព្រឹត្តរបស់ Todd កំពុងបន្ត។
លោក William Thompson មេធាវីនៃក្រុមហ៊ុន Boston Lubin & Meyer ដែលតំណាងឱ្យជនជាប់ចោទជាង ១៨០ បាននិយាយថា សំណុំរឿងព្រហ្មទណ្ឌប្រឆាំងនឹង Todd ទំនងជានឹងកើនឡើង។
ប្រែសម្រួលៈ ណៃ តុលា
