ប្រទេសជប៉ុន៖ ក្រុមអ្នកស្រាវជ្រាវជនជាតិជប៉ុនបាននិយាយថា មាន់រងាវនៅពេលព្រលឹមស្រាងៗ មិនត្រឹមតែដាស់តឿននៃការមានពន្លឺព្រះអាទិត្យរះនោះទេ វាថែមទាំងបរាប់អំពីពេលវេលារបស់ថ្ងៃទៀតផង។
នៅក្នុងការសិក្សាមួយដែលបានធ្វើសេចក្តីរាយការណ៍នៅក្នុងទស្សនាវដ្តីជីវវិទ្យា ក្រុមអ្នកវិទ្យាសាស្រ្តនៃមហាវិទ្យាល័យNagoyaបាននិយាយថា ការរងាវនេះនឹងប្រាប់អំពីពេលវេលាដ៏ជាក់លាក់មួយដោយបានបន្លឺសូរសំលេងថា “cock-a-doodle-doo”។
អ្នកស្រាវជ្រាវម្នាក់លោក Takashi Yoshimura បាននិយាយថាៈ “‘ការបន្លឺសូរសំលេង Cock-a-doodle-doo’ គឺដើម្បីធ្វើជាសញ្ញានៃមេឃជិតភ្លឺនៅក្នុងបណ្តាប្រទេសជាច្រើន។ ក៏ប៉ុន្តែ យើងមិនអាចបញ្ជាក់បានទេថា ការរងាវនេះគឺជាសកម្មភាពដែលពឹងផ្អែកទៅលពេលវេលាជាក់លាក់ ឬពឹងផ្អែកទៅលើស្ថានភាពនៃបរិយាកាសខាងក្រៅ។”
លោក Yoshimura ព្រមទាំងក្រុមការងាររបស់គាត់ លោក Tsuyoshi Shimmura បានយកសត្វបក្សីមួយវូងទៅដាក់នៅខាងក្រោមកន្លែង ដែលមិនសូវមានពន្លឺភ្លឺច្បាស់ដែលមានលក្ខណៈដូចពន្លឺនៃព្រលឹមស្រាងៗ បន្ទាប់មកវាក៏បានធ្វើការបន្លឺសំលេងឡើង ដែលនេះបានបង្ហាញឲ្យឃើញថា ការរងាររបស់ពួកវាត្រូវបានមានទំនាក់ទំនងជាមួយនឹង ពេលវេលានៅក្នុងមួយថ្ងៃ៕
ដោយ៖ ហង្ស សុបញ្ញា
