កីឡា

កីឡាករខ្សែប្រយុទ្ធឆ្នើម ស៊ិន កក្កដា ជួបឲ្យក្រុមបាល់ទាត់វីសាខា ឡើងវគ្គពាក់កណ្តាលផ្តាច់ព្រ័ត្រ នៃពានរង្វាន់ Hun Sen Cup 2024-25

ភ្នំពេញ ៖ កីឡាកររឆ្នើម ស៊ិន កក្កដា របស់ក្រុមបាល់ទាត់វីសាខា ស៊ុតបញ្ចូលទីបានរហូតដល់ ៣ គ្រាប់ ដែលជួយឲ្យក្រុមបាល់ទាត់វីសាខា យកឈ្នះលើក្រុមបាល់ទាត់ Tiffy Army ក្នុងលទ្ធផល បច្ចេកទេស ៤ ទល់នឹង០ ក្នុងព្រឹត្តិការណ៍ ការប្រកួតកីឡាបាល់ទាត់ ពានរង្វាន់ សម្ដេចអគ្គមហាសេនាបតីតេជោ ហ៊ុន សែន “Hun Sen Cup 2024-25 ” លើកទី១៨ (ថ្នាក់ជាតិ) ឆ្នាំ២០២៤/២៥ នៃការប្រកួតជើងទី២នៅវគ្គ ១/៤ ផ្ដាច់ព្រ័ត្រ នាថ្ងៃទី២ ខែមេសា ។

ការប្រកួតយប់មិញ ក្រុមបាល់ទាត់វីសាខាធ្វើបានល្អឥត ខ្ចោះជាមួយទេពកោសល្យ ពីកំណើតរបស់កីឡាករ ខ្សែប្រយុទ្ធឆ្នើម ស៊ិន កក្កដារូបនេះ ចំពោះការប្រកួតជើងទី២ វគ្គ ១/៤ ផ្ដាច់ព្រ័ត្រក្នុងពានរង្វាន់ សម្ដេចអគ្គមហាសេនាបតីតេជោ ហ៊ុន សែន លើកទី១៨នេះដោយស៊ុតបញ្ចូលទីបានរហូតដល់ ៣ គ្រាប់តែម្នាក់ឯងជាមួយគ្រាប់បាល់ Hat-Trick របស់ខ្លួន ស៊ិន កក្កដា និងកីឡាករមិត្តរួមក្រុមរកបាន១គ្រាប់ទៀត ។

ចំពោះការប្រកួតជើងទី១ វគ្គ ១/៤ ផ្ដាច់ព្រ័ត្រ នៃការប្រកួតកីឡាបាល់ទាត់ពានរង្វាន់ សម្ដេចអគ្គមហាសេនាបតីតេជោ ហ៊ុន សែន ក្រុមបាល់ទាត់វីសាខា បានប្រកួតស្មើក្រុមបាល់ទាត់ Tiffy Army លទ្ធផលបច្ចេកទេស២ទល់នឹង ២ ដូច្នេះទំាងជើង២ ក្រុមបាល់ទាត់វីសាខាយកឈ្នះលើក្រុមបាល់ទាត់ Tiffy Army ក្នុងលទ្ធផលបច្ចេកទេស ៦ ទល់នឹង២ ។

កីឡាករខ្សែប្រយុទ្ធឆ្នើម ស៊ិន កក្កដា បានក្លាយជាវិរបុរសមួយថ្ងៃ របស់ក្រុមបាល់ទាត់វីសាខា បន្ទាប់ពីកីឡាកររូបនេះ បានជួយក្រុមបាល់ទាត់វីសាខាឡើង ទៅវគ្គបន្តទៀត ក្រោយរូបនេះស៊ុតបញ្ជូលទីបំប៉ោង សំណាញ់ក្រុមបាល់ទាត់ Tiffy Army ការប្រកួតជើងទី១បាន ៣ គ្រាប់៕
ដោយ៖លី ភីលីព

Most Popular

To Top