បរទេស ៖ យោងតាមការចេញ ផ្សាយពីគេហទំព័រ VN Express បានប្រាប់ឲ្យដឹងថា សហព័ន្ធអន្តរជាតិនៃប្រវត្តិសាស្ត្រ និងស្ថិតិកីឡាបាល់ទាត់ (IFFHS) បានប្រគល់ពានរង្វាន់កំពូល កីឡាករបាល់ទាត់ឆ្នើម អាហ្សង់ទីន Lionel Messi ជាកីឡាករល្អបំផុតក្នុងប្រវត្តិសាស្ត្របាល់ទាត់ ខណៈកីឡាករ Cristiano Ronaldo ឲ្យជាប់ក្នុងបញ្ជីកំពូលទាំង ៥ ។
បញ្ជីឈ្មោះដែលទើបចេញថ្មីៗ នេះបានដាក់កីឡាករ Messi នៅលើកំពូលតារាង តាមពីក្រោយដោយវីរបុរស កីឡាករ Pele និងកីឡាករ Diego Maradona លើសកីឡាករ Ronaldo រីឯកីឡាករ Johan Cruyff ដណ្តើមបានចំណាត់ថ្នាក់កំពូលទាំង ៥ ។
៥ តំណែងបន្ទាប់ គឺកាន់កាប់ដោយកីឡាករ Ronaldo Nazario កីឡាករ Zinedine Zidane កីឡាករ Franz Beckenbauer កីឡាករ Alfredo Di Stefano និងកីឡាករ Ronaldinho ។ ក្នុងចំណោមកីឡាករ ដែលមានឈ្មោះក្នុងបញ្ជីនោះ មាន៧នាក់បានឈ្នះពាន World Cup៖កីឡាករ Messi កីឡាករ Pele កីឡាករ Mara dona កីឡាករ Ronaldo Nazario កីឡាករ Zidane កីឡាករ Beckenbauer និងកីឡាករ Ronaldinho។
កីឡារទំាង៨ ក៏បានឈ្នះ Ballon d’Or ដោយលើកលែងតែកីឡាករ Pele និងកីឡាករ Maradona ។ នេះភាគច្រើនដោយសារតែការរឹតបន្តឹងជាប្រវត្តិសាស្ត្រ ដោយសារ Ballon d’Or ដើមឡើយត្រូវបានកំណត់ចំពោះកីឡាករអឺរ៉ុបរហូតដល់ច្បាប់បានផ្លាស់ប្តូរក្នុងឆ្នាំ ១៩៩៥ ត្រួសត្រាយផ្លូវសម្រាប់កីឡាករអាមេរិកខាងត្បូងដូចជា កីឡាករRonaldo Nazario កីឡាករ Ronaldinho និងកីឡាករ Messi ។
បច្ចុប្បន្នកីឡាករ Messi កាន់កំណត់ត្រាមិនធ្លាប់ មានពីមុនក្នុងការឈ្នះពានសរុបចំនួន ៤៦ ពាន Ballon d’Or ៨ ដង និងស្បែកជើងមាសអឺរ៉ុប ៦ ។ កាលអាយុ ៣៧ ឆ្នាំ លោកជាកីឡាករតែម្នាក់គត់ បានឈ្នះពានរង្វាន់បាល់ទាត់ធំៗទាំងអស់ រួមមាន World Cup, Champions League, Ballon d’Or, European Golden Shoe, World Cup Player of the Tournament និង Laureus Award for World Sportsman of the Year៕
