អង់គ្លេស ៖ យោងតាមការចេញផ្សាយពីគេហទំព័រ VN Express បានប្រាប់ឲ្យដឹងថា និស្សិតថ្នាក់បណ្ឌិតជនជាតិចិនម្នាក់ ដែលបានប្រើប្រាស់គ្រឿងញៀន និងរំលោភនារី ១០នាក់ នៅប្រទេសអង់គ្លេស និងចិន ត្រូវបានតុលាការទីក្រុងឡុងដ៍ កាត់ទោសឲ្យជាប់ពន្ធនាគាររយៈពេល ២៤ឆ្នាំ។
លោក Zhenhao Zou អាយុ ២៨ ឆ្នាំដែលរស់នៅភាគខាងត្បូង ទីក្រុងឡុងដ៍ បានប្រើវេទិកាអនឡាញ និងកម្មវិធីណាត់ ជួបដើម្បីជួបស្ត្រី ដោយអញ្ជើញពួកគេទៅផ្ទះ របស់លោកក្រោមលេសថា បានផឹកស្រា ឬសិក្សាមុនពេលលោកប្រើថ្នាំ។ បន្ទាប់មក រូបគេបានថតសកម្មភាពរំលោភ និងរំលោភសេពសន្ថវៈលើនារីរងគ្រោះ ខណៈដែលពួកគេសន្លប់ ដោយរក្សាគ្រឿងអលង្ការ និងសម្លៀកបំពាក់មួយចំនួន ក្រោយមក។
លោក Zou ត្រូវបានរកឃើញថា មានពិរុទ្ធភាពក្នុងខែមីនា នៃបទល្មើសចំនួន ២៨ ករណី រួមទាំងការចាប់រំលោភចំនួន១១ ករណីបន្ទាប់ពីការកាត់ទោសនៅតុលាការ Inner London Crown ។ ចំពោះការកាត់ទោសកាលពីថ្ងៃព្រហស្បតិ៍ លោកត្រូវបានជាប់គុកអស់មួយជីវិត ជាមួយនឹងរយៈពេលអប្បបរមា ២៤ ឆ្នាំ ដោយកាត់ខែឆ្នាំ ដែលលោកបានស្ថិត ក្នុងមន្ទីរឃុំឃាំងរួចហើយ។
ចៅក្រម Rosina Cottage បាននិយាយថា លោក Zou ជាបុរសវ័យក្មេងមានឧបាយកល និងឆ្លាតវៃ ដែលមិនគិតពីបំណងប្រាថ្នា និងអារម្មណ៍របស់ស្ត្រីទាំងអស់ ដែលលោកបានវាយប្រហារ។
អធិការស៊ើបអង្កេត Richard MacKenzie មកពីប៉ូលីស Metropolitan ទីក្រុងឡុងដ៍បាននិយាយនៅខាងក្រៅតុលាការថា ទំហំនៃការរំលោភបំពានរបស់គាត់ដែលបានលាតសន្ធឹងលើប្រទេស២ធ្វើឲ្យគាត់ក្លាយជាបុរសដ៏សំបូរបំផុតដែលយើងមិនធ្លាប់បានឃើញ។
ប៉ូលីសបាននិយាយកាល ពីមុនថាអ្នកស៊ើបអង្កេតជឿថា អាចមានស្ត្រីច្រើនជាង ៥០ នាក់ផ្សេងទៀតអាចជា ជនរងគ្រោះដោយសារលោក Zou ហើយមិនទាន់ត្រូវបានគេកំណត់អត្តសញ្ញាណ។
លោកមានដើមកំណើត មកពីទីក្រុង Dongguan ខេត្ត Guangdong និស្សិតរូបនេះត្រូវបានគេគិតថា បានផ្លាស់ទៅចក្រភព អង់គ្លេសនៅឆ្នាំ ២០១៧ ហើយបានចាប់ផ្តើមសិក្សាថ្នាក់បណ្ឌិតនៅសាកលវិទ្យាល័យ College London ក្នុងឆ្នាំ ២០១៩។
បន្ទាប់ពីស្ត្រីម្នាក់បានចេញ មុខមករាយការណ៍លោក Zou ប៉ូលិសបាននិយាយថា ពួកគេបានរកឃើញថ្នាំញៀន និងកាមេរ៉ាលាក់នៅក្នុងផ្ទះរបស់គាត់ ខណៈវីដេអូរាប់រយ និង សាររាប់លាននៅលើកុំព្យូទ័រយួរដៃ និងទូរស័ព្ទរបស់គាត់បង្ហាញថា គាត់បានប្រព្រឹត្តិបទល្មើស មិនត្រឹមតែនៅអង់គ្លេសប៉ុណ្ណោះទេ ប៉ុន្តែប្រទេសកំណើតរបស់គាត់ ៕
