ឥណ្ឌូនេស៊ី ៖ យោងតាមការចេញ ផ្សាយពីគេហទំព័រ VN Express បានប្រាប់ឲ្យដឹងថា អ្នកទេសចរជនជាតិម៉ាឡេស៊ី ម្នាក់បានរងរបួសយ៉ាងធ្ងន់ធ្ងរ បន្ទាប់ពីត្រូវបានគេរាយការណ៍ថា បានដួល ខណៈដែលកំពុងធ្វើដំណើរទៅកាន់ Danau Segara Anak នៅលើភ្នំ Rinjani ដែលជាភ្នំភ្លើងខ្ពស់បំផុតទី ២ របស់ប្រទេសឥណ្ឌូនេស៊ី។
នេះបើយោងតាមកាសែត The Star បាននិយាយថា ហេតុការណ៍នេះបានកើតឡើង កាលពីវេលាម៉ោង៣ និង ២០នាទីរសៀលម៉ោងក្នុងស្រុកកាលពីថ្ងៃសុក្រ នៅពេលមគ្គុទ្ទេសក៍ក្នុងស្រុក បានជូនដំណឹងដល់រមណីយដ្ឋាន Sembalun អំពីអ្នកទេសចរដែលរងរបួស ត្រូវបានគេកំណត់អត្តសញ្ញាណថា ជា Nazli Awan Mahat ។
អ្ននេះបើតាមការចុះផ្សាយ របស់សារព័ត៌មានម៉ាឡេស៊ី Sinar Harian ថា កទេសចរ ត្រូវបានជម្លៀស ដោយជោគជ័យ កាលពីថ្ងៃសៅរ៍ ហើយបាននាំយកទៅកាន់មណ្ឌលសុខភាពក្នុងស្រុក។ ជនរងគ្រោះបានរងរបួសបាក់ឆ្អឹងត្រគាក និងក្បាល ។
លោក Yarman ប្រធានមជ្ឈមណ្ឌល ឧទ្យានជាតិ Mount Rinjani បានណែនាំអ្នកឡើងភ្នំឲ្យប្រុងប្រយ័ត្ន និងកុំមើលស្រាល បញ្ហាប្រឈមដែល បង្កឡើងដោយភ្នំភ្លើង។ លោក Yarman បានសង្កត់ធ្ងន់ថា សណ្ឋានដីរបស់ Rinjani មានការប្រកួត ប្រជែងខ្លាំង។ អ្នកឡើងភ្នំត្រូវតែប្រុងប្រយ័ត្ន ជៀសវាងការរុញខ្លួនឯង នៅពេលនឿយហត់ ហើយសម្រាក ឬស្វែងរកជំនួយភ្លាមៗ ប្រសិនបើពួកគេ ប្រឈមមុខនឹងការលំបាក។
នេះជាឧបទ្ទវហេតុលើកទី២ ជាប់ពាក់ព័ន្ធនឹងជនបរទេស ក្នុងរយៈពេលតែមួយសប្តាហ៍ លើភ្នំភ្លើងដ៏ល្បីល្បាញនេះ។ កាលពីថ្ងៃទី ២១ ខែមិថុនា អ្នកទេសចរជនជាតិ ប្រេស៊ីល Juliana Marins អាយុ ២៦ ឆ្នាំបានធ្លាក់ ខណៈកំពុងដើរលេង នៅលើភ្នំ Rinjani ។ សាកសពរបស់នាងត្រូវបានគេរកឃើញ ៤ ថ្ងៃក្រោយមកនៅជម្រៅប្រហែល ៦០០ ម៉ែត្រ ប៉ុន្តែលក្ខខណ្ឌអាកាសធាតុអាក្រក់ និងដីពិបាកបានពន្យារពេលកិច្ចខិតខំប្រឹងប្រែងសង្គ្រោះរហូតដល់ថ្ងៃទី ២៥ ខែមិថុនា៕
