អាល្លឺម៉ង់៖ នាថ្ងៃទី២០ ខែកក្កដា ឆ្នាំ២០២៥ លោក ប៉ុន សុខ អគ្គនាយកនៃអគ្គនាយកដ្ឋានកីឡា និងលោក បឹង គឹមតោ ប្រធាននាយកដ្ឋានសិស្ស និងនិស្សិត អនុប្រធាននាយកដ្ឋាន.រពសក ទទួលបន្ទុករដ្ឋបាល បានដឹកនាំដំណើរគ្រូបង្វឹក និងក្រុមកីឡាករ-កីឡាការិនីយូដូនៅព្រលានយន្តហោះភ្នំពេញអន្តរជាតិទៅចូលរួមប្រកួតកីឡាសាកលវិទ្យាល័យរដូវក្តៅពិភពលោកលើកទី៣២ ឆ្នាំ២០២៥ នាទីក្រុង Rhine-Ruhr ប្រទេសអាល្លឺម៉ង់ដែលប្រព្រឹត្តិចាប់ពីថ្ងៃទី១៦ រហូតដល់ថថ្ងៃទី ២៧ ខែកក្កដា ឆ្នាំ២០២៥។
ប្រភេទកីឡាអត្តពលកម្មស្ថិតក្នុងប្រភេទទំាង៦ ដូចជា គុនដាវ អត្តពលកម្ម ហែលទឹក យូដូ វាយសី និងតេក្វាន់ដូ WTដែលកម្ពុជាបានបញ្ជូនការប្រកួតកីឡាសាកលវិទ្យាល័យរដូវក្តៅពិភពលោក លើកទី៣២ ឆ្នាំ២០២៥ ខណៈការប្រកួតនេះមានកីឡាករ-កីឡាការិនីអន្តរជាតិ និងអន្តរជាតិជាង ១២០ ប្រទេសចូលរួម ព្រមទាំងប្រតិភូ កីឡាករ-កីឡាការិនីចំនួន ៨៥០០នាក់ លើ ១៨ ប្រភេទកីឡា។
នេះជាចេញដំណើរជើងហោះហើរចុងក្រោយរបស់ក្រុមកីឡាកម្ពុជា បន្ទាប់ពីក្រុមកីឡា៥ ប្រភេទបានចូលរួមពិធីបើក និងចូលរួមការប្រកួតជាច្រើនហើយ ។ កីឡាយូដូកម្ពុជាបានបញ្ជូនទៅ ៥ នាក់ ក្នុងនោះលោក ម៉ារ វង្សវិបុ គ្រូបង្វឹក កីឡាករ ឈៀវ ឆវិន កីឡាករ ចន្តា សំណាង កីឡាការិនី កែវ វ៉ាន់ឌឿន និងកីឡាការិនី គុណ ស្រីនិច។
លោក ម៉ារ វង្សវិបុល គ្រូបង្វឹកជម្រើសជាតិកីឡាយូដូកម្ពុជា បានឲ្យដឹងថា ការប្រកួតកីឡាសាកលវិទ្យាល័យរដូវក្ដៅពិភពលោក លើកទី៣២ ឆ្នាំ២០២៥ ប្រទេសអាល្លឺម៉ង់ គឺប្រភេទកីឡាយូដូកម្ពុជាទទួលបានការអនុញាតពីក្រសួងអប់រំ យុវជន និងកីឡា ដោយសហព័ន្ធមានកីឡាករ ២នាក់ និងកីឡាការិនី ២នាក់ ដឹកនាំដោយគ្រូបង្វឹកម្នាក់ គឺរូបលោកនឹងចូលរួមប្រកួតប្រជែងក្នុងព្រឹត្តិការណ៍។ លោកបន្ថែមថា កីឡាករ-កីឡាការិនីទាំង៤នាក់ ដែលគ្រោងនឹងបញ្ជូនទៅចូលរួមប្រកួតនេះត្រូវបានសម្រិតសម្រាំងជាអត្តពលិកឆ្នើមៗប្រចាំសហព័ន្ធ ដោយត្រូវបានប្រមូលផ្តុំហ្វឹកហាត់យ៉ាងសកម្មអស់រយៈពេល ៥ខែមកហើយ បន្ទាប់ពីទទួលដំណឹងពីក្រសួងអប់រំ យុវជន និងកីឡា។
លោក ម៉ារ វង្សវិបុលបានអះអាងថា ការប្រកួតនេះពិតជា សំខាន់ណាស់សម្រាប់ប្រភេទកីឡាយូដូកម្ពុជា ក្នុងការវាស់ស្ទង់ និងបង្កើនគុណភាពបច្ចេកទេសរបស់កីឡាករ កីឡាការិនីកម្ពុជា ក្នុងការត្រៀមខ្លួនឆ្ពោះទៅចូលរួមប្រកួតកីឡា ស៊ីហ្គេម លើកទី៣៣ នៅប្រទេសថៃ ដែលគ្រោងនឹងរៀបចំពីថ្ងៃទី៩ដល់២០ ខែធ្នូ ឆ្នាំ២០២៥។ដោយសារតែការហ្វឹកហាត់ត្រៀមបានល្អ រួមផ្សំមានការបង្ហាត់ពិសេសពីគ្រូជនជាតិជប៉ុនសម្រាប់ការប្រកួតមួយនេះផង ភាពរីកចម្រើនលើសមត្ថភាពកីឡាករ កីឡាការិនី ទៀតនោះទើបក្នុងនាមសហព័ន្ធមានការរំពឹងខ្ពស់បែបនេះ។
គ្រូបង្វឹកជម្រើសជាតិកីឡាយូដូកម្ពុជា បានបញ្ជាក់ថា ការប្រកួតនៅប្រទេសអាល្លឺម៉ង់នេះសហព័ន្ធមានការរំពឹងខ្ពស់ថានឹងទទួលបានជោគជ័យឈានដល់ការដណ្ដើមេដាយជូនជាតិមាតុភូមិក្នុងការប្រកួតកម្រិតពិភពលោកនេះ។ដោយសារតែការហ្វឹកហាត់ត្រៀមបានល្អ រួមផ្សំមានការបង្ហាត់ពិសេសពីគ្រូជនជាតិជប៉ុនសម្រាប់ការប្រកួតមួយនេះផង ភាពរីកចម្រើនលើសមត្ថភាពកីឡាករ កីឡាការិនី ទៀតនោះទើបក្នុងនាមសហព័ន្ធមានការរំពឹងខ្ពស់បែបនេះ។ បន្ថែមពីនេះកីឡាករ កីឡាការិនីមួយចំនួនមានបទពិសោធច្រើនលើឆាកអន្តរជាតិ និងធ្លាប់ដណ្ដើមមេដាយបានជូនកម្ពុជារួចហើយដែរ។
ចំណែកកម្ពុជាបញ្ជូនប្រតិភូកីឡា ៣៥ រូបលើ ៦ ប្រភេទកីឡា ដូចជា គុនដាវ អត្តពលកម្ម ហែលទឹក យូដូ វាយសី និងតេក្វាន់ដូ WT។ ប្រតិភូកីឡាកម្ពុជាដឹកនាំដោយលោក កែ ប៊ុនខៀង រដ្ឋលេខាធិការ ក្រសួងអប់រំ យុវជន និងកីឡា ទទួលបន្ទុកប្រធានប្រតិភូ លោក ប៉ុន សុខ អគ្គនាយកកីឡា អនុប្រធានប្រតិភូ លោក ព្រំ ប៊ុណ្ណយី ទីប្រឹក្សាក្រសួងអប់រំ យុវជន និងកីឡាទទួលបន្ទុកនាយបេសកកម្ម អមដោយមន្ត្រីជំនាញជាច្រើនរូបទៀត៕
