ព្រៃវែង៖ នាថ្ងៃទី២៨ ខែសីហា ឆ្នាំ២០២៥ នេះ លោក សូរ មុនីរតន៍ អនុប្រធាន ក្លិបកីឡាបាល់ទាត់ វិសាខា រួមជាមួយគណៈគ្រប់គ្រង និងក្រុមការងារបច្ចេកទេសក្លិប របស់យើងបានចុះពិនិត្យវឌ្ឍនភាព នៃដំណើរការសាង សង់សាលាបាល់ទាត់ វិសាខា នៅស្រុកកំចាយមារ ខេត្តព្រៃវែង ដែលជាមជ្ឈមណ្ឌលកីឡា អភិឌ្ឍនវិស័យកីឡាបាល់ទាត់ធំ ជាងគេក្នុងខេត្តពឲនេះ។
ការសាងសង់មជ្ឈមណ្ឌលកីឡាបាល់ទាត់ វិសាខា និងក្លិបកីឡដ្ឋានបាល់ទាត់ កម្រិតអន្តរជាតិ ដើម្បីជំរុញ អភិឌ្ឍនវិស័យកីឡាបាល់ទាត់ ពិសេសកីឡាបាល់ទាត់វ័យក្មេងៗ ដែលជាទំពាំងស្នងឬស្សី ក្នុងការឲ្យពួកគេក្លាយជាកីឡា ជម្រើសជាតិកម្ពុជាទៅថ្ងៃអនាគត ។
កាលពីខែមេសាឆ្នាំដដែល លោក សូរ មុនីរតន៍ អនុប្រធានក្លិប ព្រមទាំងគណៈគ្រប់គ្រង និងក្រុមការងារក្លិបកីឡាបាល់ទាត់ វិសាខា របស់យើង រួមជាមួយលោក Shigeaki Ichikawa នាយកបច្ចេកទេសសហព័ន្ធកីឡាបាល់ទាត់កម្ពុជា (FFC) បានចុះពិនិត្យទីតាំងរៀបចំ សាលាបាល់ទាត់ វិសាខា នៅស្រុកកំចាយមារ ខេត្តព្រៃវែង ដែលទីតាំងមួយដ៏ធំ បច្ចុប្បន្នបានចាក់ដីរួចរាល់ចំនួន ១៥ហិតតា ដើម្បីត្រៀមដំណើរ ការសាងសង់ទីលាន និងហេដ្ឋារចនាសម្ព័ន្ធផ្សេងៗ នាពេលឆាប់ៗខាងមុខ ។
ដោយ៖លី ភីលីព
