អង់គ្លេស៖ រថយន្ត Nissan បានបញ្ចប់ការធ្វើដំណើរចម្ងាយ ២៣០ ម៉ាយល៍ដោយស្វ័យប្រវត្ដិនៅចក្រភពអង់គ្លេស គឺជាដំណើរដ៏វែង និងស្មុគស្មាញបំផុតក្នុងប្រទេស ខណៈក្រុមហ៊ុនផលិតរថយន្តកំពុងអភិវឌ្ឍបច្ចេកវិទ្យាដែលគ្មានអ្នកបើកបរដើម្បីធ្វើបដិវត្តការធ្វើដំណើរយោងតាមការចេញផ្សាយពីគេហទំព័រជប៉ុនធូដេ។
ចក្រភពអង់គ្លេសបាននឹងកំពុងអភិវឌ្ឍ យានយន្តស្វយ័តដោយសង្ឃឹមថា នឹងចាប់យកផ្នែកឧស្សាហកម្ម ដែលខ្លួនបានប៉ាន់ស្មានថា អាចនឹងមានតម្លៃប្រហែល ៩០០ ពាន់លានផោន (១,២ ពាន់ពាន់លានដុល្លារ) នៅទូទាំងពិភពលោកនៅឆ្នាំ ២០៣៥ ។ ដោយបំពាក់ដោយម៉ាស៊ីនស្កេនឡាស៊ែរ ចំនួន៨កាំ កាមេរ៉ា ៧ និងរ៉ាដាមួយមានទីតាំងនៅជុំវិញយានយន្ត រួមជាមួយគ្រឿងអេឡិចត្រូនិចចំនួន៦ គ្រឿងនៅក្នុងរថយន្តប៊ូឌីងអេឡិចត្រូនិច បានធ្វើដំណើររួមជាមួយអ្នកបើកបរម៉ូតូធម្មតា នៅលើផ្លូវប្រទេស និងផ្លូវហាយវេ។
ការធ្វើដំណើរចម្ងាយ ៣៧០ គីឡូម៉ែត្របានចាប់ផ្តើមនៅមជ្ឈមណ្ឌលបច្ចេកទេសអឺរ៉ុប របស់ក្រុមហ៊ុនផលិតរថយន្តជប៉ុននៅ Cranfield ភាគខាងត្បូងនៃប្រទេសអង់គ្លេស ហើយបានបញ្ចប់នៅរោងចក្រ Sunderland របស់ខ្លួននៅភាគឥសាន ។ វារួមបញ្ចូលផ្លូវដែលមិនមានសញ្ញាសម្គាល់ ផ្លូវប្រសព្វ និងរង្វង់មូលតិចបំផុត ដោយប្រើបច្ចេកវិទ្យាកំណត់ទីតាំងទំនើប ។
ប្រធានផ្នែកស្រាវជ្រាវ និងអភិវឌ្ឍន៍របស់ក្រុមហ៊ុន Nissan នៅអឺរ៉ុបលោក David Moss បានប្រាប់ថា អ្នកបើកបរដទៃទៀតដែលនៅជុំវិញយានយន្ត នឹងមិនបានកត់សម្គាល់ឃើញថា យានយន្តពិតជាមានស្វ័យភាពពេញលេញនោះទេ ។
យាននេះដឹងច្រើនពីអ្វីដែលកំពុងកើតឡើង នៅតំបន់ជុំវិញនោះជាងអ្នកបើកបរអាចមកពីចំនួនឧបករណ៍ ចាប់សញ្ញាដែលកំពុងតាមដានបរិស្ថានជានិច្ច។
គម្រោងដែលត្រូវបានគេស្គាល់ថា HumanDrive និងដឹកនាំដោយក្រុមហ៊ុន Nissan ជាផ្នែកមួយនៃសម្ព័ន្ធក្រុមហ៊ុនក៏បានទទួលថវិការបស់រដ្ឋាភិបាល និងបានធ្វើការជាមួយអាជ្ញាធរពាក់ព័ន្ធ ដើម្បីទទួលបានការយល់ព្រមសម្រាប់ដ្រាយនេះ៕ ដោយ៖លី ភីលីព
