នីហ្សេរីយ៉ា៖យោងតាមការចេញផ្សាយ ពីគេហទំព័រ VN Express បានប្រាប់ឲ្យដឹងថា ក្មេងប្រុសនីហ្សេរីយ៉ា Hope ដែលធ្លាប់តែងស្រេកឃ្លាន នៅតាមដងផ្លូវ នៃប្រទេសនីហ្សេរីយ៉ា ត្រូវបានចាត់ទុកថា ជាកូនមេធ្មប់នោះ លោកបានសាងជីវិតថ្មី បន្ទាប់ពីត្រូវបានជួយសង្គ្រោះ ថ្មីៗនេះបានបញ្ចប់ការសិក្សា ថ្នាក់បឋមសិក្សា និងសុបិនចង់ក្លាយជាអ្នកសិល្បៈ។
កាសែត Daily Mail បានរាយការណ៍ថា រឿងរ៉ាវរបស់លោក Hope បានធ្វើឲ្យមានការចាប់អារម្មណ៍ជាសកល កាលពីឆ្នាំ ២០១៦ នៅពេលរូបភាពដ៏ គួរឲ្យខ្លាចមួយរបស់លោកកាលពីក្មេងអាយុ ២ ឆ្នាំ ដែលស្រេកឃ្លាន និងមានទម្ងន់ត្រឹមតែ៣ គីឡូក្រាម កាន់តុក្កតាដ៏ក្រៀមក្រំមួយ ហើយផឹកទឹកពីដបប្លាស្ទិក ដែលផ្តល់ដោយស្ត្រីនោះ ។
ឪពុកម្តាយរបស់លោកបានបោះបង់ចោលលោក ដោយជឿថា លោកត្រូវបានអារក្ស និងនាំសំណាងអាក្រក់ដល់គ្រួសាររបស់ពួកគេ ។ ទុកចោលដើម្បីរស់នៅលើសំណល់អេតចាយ តាមដងផ្លូវនៃទីក្រុង Akwa Ibom ប្រទេសនីហ្សេរីយ៉ា លោក Hope ត្រូវបានជួយសង្គ្រោះដោយលោកស្រី Anja Rinngren Loven ។
លោកស្រី Loven អាយុ ៤៧ ឆ្នាំ ស្ថាបនិក Land of Hope ដែលជាអង្គការក្រៅរដ្ឋាភិបាលប្រយុទ្ធប្រឆាំងនឹងអបិយជំនឿអំពីអាបធ្មប់ និងជួយសង្គ្រោះ “កូនមេធ្មប់” បាននិយាយពីការជួបលើកដំបូង របស់នាងជាមួយ Hope ថា គាត់ខ្សោយណាស់ ខ្ញុំបានឲ្យទឹកមួយកេសដល់គាត់ ហើយគាត់ក៏គ្មានកម្លាំង លើកវាដាក់មាត់ដែរ។
លោកស្រី Loven បានបន្តថា អបិយជំនឿជុំវិញអំពើអាបធ្មប់ ជារឿយៗនាំទៅដល់ការបោះបង់ចោល និងធ្វើបាបកុមារក្នុងប្រទេសនីហ្សេរីយ៉ា ។ ជាធម្មតាយើងជួយសង្គ្រោះកុមារដែលមានយ៉ាងហោចណាស់ ៤ ឬ៥ នាក់ យើងមិនអាចយល់ពីរបៀបដែលនរណាម្នាក់អាចគិតថា ក្មេងអាយុ ២ ឆ្នាំ គឺជាការគំរាមកំហែង ៕
